La Corriente Sindical d´Izquierda ye un sindicatu de la clas obrera asturiana, independiente de cualisquier organización política o institución; basáu na llucha y na resistencia pa defender los nuesos derechos llaborales y sociales.
Na CSI nun hai persones lliberaes, tol trabayu ye frutu del compromisu y la solidaridá de la so militancia. Nin subvenciones, la única fonte de recursos son les cuotes de los afiliaos.
Trabayamos na organización obrera, como arma pa derribar el capìtalismu. Tamos pol derechua decidir de los Pueblos y la solidaridá internacionalista llévanos a enfrentanos a la esplotación, el racismu, el patriarcáu, la represión y cualisquier otra forma d´opresión a la clas trabayadora, en cualisquier parte del mundu.