|
||||||||||||||||||||||||||||||||||||||||||||||||||||||||||||||
| SALÚ: Concentración. 31 d’agostu. 11 h. Xeriátricu de Noreña |
25-08-2010 A una trabayadora de la residencia d’ancianos de Noreña despidiéronla por reivindicar unes condiciones dignes de trabayu y una atención meyor pa les persones mayores agospiaes nel centru. La direición del centru “Edad Dorada Mensajeros de la Paz”, allugáu na zona de Los Riegos, tomó esta decisión tres presionar a la trabayadora y comprobar que, bien a otra mano d’arrenunciar a los sos drechos, decidió entamar unes eleiciones sindicales. El miércoles qu’entra, día 31, va haber una concentración delantre’l centru, a les 11 h., pa esixir la realmisión de la trabayadora, la contratación del personal necesario, la final de les amenaces a les trabayadores y una atención adecuada a les persones mayores que viven na residencia. [+Info: La Nueva España][+Info: Hestoria del centro ] |
| CRISIS: Concentración na Feria Internacional de Muestres d’Asturies en Xixón. |
24-08-2010 Mediu centenar d’activistes del Conceyu Trabayadores Escontra la Crisis Capitalista concentróse delantre’l pabellón de Caxastur, nel día en que la FIDMA festexa a esa entidá d’aforru... Cola nueva Llei d’Órganos Rectores de Caxes d’Aforros (LORCA, ¡probe Federico García!), elimínase d’un plumazu la poca estructura financiera pública que mos quedaba, poniéndola al serviciu de la banca privada y los sos negocios. D’esta miente (ente otres coses) acaben cola competencia fuerte del mercáu del creitu hipotecariu del que les caxes tienen la metá; amás facilíten-yos l’accesu a los importantes pasivos controlaos por elles, productu del aforru popular. Media hora foi lo que se tuvo delantre’l pabellón de Caxastur, y dempués visitáronse los stands de la Federación Asturiana d’Empresarios (FADE) y del Gobiernu del Principáu d’Andorra..., digo d’Asturies. Durante más d’una hora y con una pancarta na que se lleía: “ANTE LA CRISIS: REPARTU DEL TRABAYU Y LA RIQUEZA”, l’aire y el suelu de los sitios que se percorrieron quedaron enllenos de voces escontra les midíes y recortes del gobiernu del P$OE, que’l pueblu trabayador tendrá qu’aparar si nun quier vese como nel sieglu XIX. Policíes con camisa azul, gris clarín, de paisanu, y “segurates” de tolos colores acompañaron de cerca a la comitiva, viendo como se tiraben a la rebatina 5.000 mil fueyes volanderes coles conseñes que se glayaben: “Zapatero amigo del banquero”, “Areces también a la cola del INEM”, “La crisis social que la pague el capital”, “Huelga, huelga, huelga general”; “P$OE y PP la misma mierda es”... Tamién se repartieron 1.000 panfletos col conteníu que sigue Lleer+ [+Info: Kaosenlared] |
| ALMINISTRACIÓN: PAsistencies a la Dependencia y Árees Territoriales |
22-08-2010 La puñalada trapera qu’acaben d’asestar PSOE ya IX a l’alministración pública, rebaxando’l sueldu a los emplegaos públicos y recortando les plantíes que tienen que xestionar los servicios públicos daos a los ciudadanos y ciudadanes asturianes, tenía difícil xustificación. Izquierda Xunida teníalo entá peor dende una óptica d’esquierdes, lo que provocó incluso un cisma internu. Pa intentar salvar la papeleta intenten vender a la opinión pública una supuesta contrapartida: empara d’apoyar al PSOE nesta agresión a los servicios públicos, ellos consiguíen salvar de los recortes la so Conseyería de Bienestar Social y, en concreto, les ayudes a la dependencia. Sicasí, guárdense permuncho de desvelar la realidá y los datos concretos de los vaivenes sufríos pola estrella de la so política social. Vamos ver esa realidá. Lleer+ |
|
Escribe'l to e-mail pa recibir les prósimes convocatories: |
Convocatories |
Otres actividaes |
|
Campañes |
 |
| Conceyu de paraes y precaries. Tolos xueves. 19h. Antigua Casa sindical (Xixón) |
 |
 |
 |
 |
 |
 |
|
 |
 |
|
 |
|
 |
