ESCUELA DE FORMACIÓN REDONDO-PICHI “TRABAYU A TURNOS Y DAÑOS A LA SALÚ” XUEVES 21 DE PAYARES A LES 10H Y A LES 18H. LLOCALES DE CSI EN XIXÓN

Daráse continuidá a la última xornada en cuantes a sensibilización y formación en salú llaboral. El tema escoyíu nesta ocasión ye sobre’l “TRABAYU A TURNOS Y DAÑOS A LA SALÚ”.

Va asistir como ponente Concha Llistó, que fae más de tres años entamó una campaña de recoyía de firmes pa pidir l’aplicación de coeficientes reductores que posibiliten l’adelantu de la edá de xubilación de les persones que trabayen a turnos en cualesquier sector, yá que tá demostrao, al traviés d’abondos estudios, la repercusión que tién na esperanza de vida esta manera de trabayar.

Col envís de facilitar l’asistencia a toles Delegaes y Delegaos, y a l’afiliación en xeneral, la formación va impartise n’horariu de mañana y tarde, pudiendo asistir a la mesma el XUEVES 21 DE PAYARES a a les 10 de la mañana o a les 6 de la tarde.