CONCENTRACIÓN ESCONTRA’L DETERIORU DEL SISTEMA PÚBLICO DE SALÚ XUEVES 14 DE PAYARES A LES 18:30. CENTRÚ DE SALÚ DE PUERTA LA VILLA (XIXÓN)

Facemos un llamamientu a participar na concentración, que representa l’entamu d’una campaña, pa desixir el fin d’un progresivu y calculáu deterioru de la Sanidá Pública que pon en pelligru la calidá y la universalidá d’esti serviciu.
Tenemos que amosar la nuesa refuga a unas práctiques esclusivamente mercantilistes que ignoren les necesidaes de la población.

Toes y toos sabemos de la creciente precarización del personal sanitariu y la repercusión que esta precarización tién na atención a les y los pacientes, toes y toos sabemos la saturación que soporten les urxencies, les llistes d’espera, centros de salú ensin médicos o col 50% del personal asignáu….

El deterioru de lo público, estancáu en cuantes a recursos en cifres del 2009, provoca que nel conxuntu l’Estáu el gastu en sanidá privada creza imparable hasta algamar un 28,8% del total. Los seguros ye una de les rames más llucratives y 10 compañíes controlen el 83% del sector repartiéndose en primes 8.200 millones d’euros a lo llargo del 2018. En 2014 yéren 6.892. Xubieron un 19,2% lo que denota la deficiente situación de la sanidá pública.

Nun podemos consintir el “TENER TANTA SALÚ COMO PODAMOS PAGAR” y toes y toos tenemos derechu a una atención sanitaria de calidá y universal.

¡¡¡LLUCHA Y DESIXE!!!