CONCENTRACIÓN POL XUICIU AL COMPAÑERU VÍCTOR, DE KONECTA AVILÉS

LLUNES 11 DE PAYARES, 10:20H. XULGAOS D’AVILÉS (C/ MARCOS DEL TORNIELLO, 27)

En Xunu de 2019, Konecta Avilés llevó alantre un posible “ERE encubiertu”, d’un censu real de 129 persones y non de 131 como indica la empresa, (porque nesi censu apaecen dos persones más, que enxamás nun vimos na plataforma d’Avilés, pertenecen a la de Barcelona), despidió en 4 díes a un total de 14 compañeres y compañeros.

El compañero Víctor foi despedíu’l 14 de xunu pasáu cuando llevaba d’IT dende’l 19 de marzu. Los motivos del so despíu, los favoritos de Konecta: baxu rendimientu intencionáu. Fechu que nun se sostién per dengún lláu, yá que la empresa nun ye quien a apurrir datos oxetivos y fehacientes del fechu. El puestu de trabayu del compañeru Víctor, yéra a la derecha d’una de les nueses RLT en Konecta Avilés, y ésta puede afirmar que’l compañeru selmana tres selmana, nun sólo llegaba a los oxetivos marcaos pola empresa, si non que casi que toles selmanes, tinía la meyor ratio. Amás, como datu reseñable, el compañeru’l 30 d’abril, diba nes llistes al comité d’empresa con CCOO, sección sindical que xunto a la CSI son el continuu azote escontra la empresa, el restu de secciones sindicales (CTIK, USO y UGT), recomienden nun facer ruíu pa nun enfadar a la empresa.

Na sección sindical de CSI en Konecta Avilés, tenemos perclaro que’l posicionamientu d’una RLT ye al lláu de les compañeres, lo mesmo les despidíes que les que non, independientemente de a que sección sindical pertenecen, o a quien dieron el so votu el 30 d’abril, porque hasta que nun haiga una sentencia xudicial que diga si los despíos son nulos o improcedentes, les 14 despedíes siguen siendo compañeres, y ye por ello, que esti próximu llunes día 11 de payares, ehí vamos tar sofitando al compañeru Víctor y amosando una vegada más, la nuesa refuga al fondu y les formes que tienen en Konecta de facer les coses.

Que viva la llucha de la clase obrera!!