COMUNICÁU DE LES SECCIONES SINDICALES DE CSI EN TRESPORTE PER CARRETERA

La Corriente Sindical d’Izquierda y les secciones sindicales d’ALSA, EBROBUS, TUA, EMUTSA y DOMETAL, que pertenecen al conveniu del tresporte per carretera del Principáu d’Asturies, queremos expresar mediante’l presente comunicáu la nuesa total oposición a la manera de proceder pa la firma d’un conveniu colectivu de nuesu sector, oscurantista y sectariu dafechu:

En díes precedentes, les federaciones de CCOO y UGT, confirmaron la realización d’una asamblea de trabayadores afectaos pola viniente firma del conveniu colectivo asturianu del nuesu sector, si bien se suponen diches asamblees pa aprebar dichu conveniu polos trabayadores afectaos, nun podemos espresar d’otra manera, la nuesa perplexidá, a que eses supuestes asamblees, son única y exclusivamente pa afiliaos de CCOO y UGT, dexando, polo tanto, escluyíos de l’aprebación de dichu conveniu a toes y toos aquellos trabayadores que nun pertenecen a dichos “sindicatos”, una maniobra del too inregular y que podría tresgredir l’artículu 4 del Estatutu de los Trabayadores.

Una vuelta más, estos “sindicatos” pretenden firmar un conveniu ensin comunicar nada de lo “negociao” e incluyío nel mesmu, a los y les trabayadores del sector que nun tán afiliaos a ellos.

Queremos recordar que nesti sector amás de los sindicatos del réximen, formamos parte otros sindicatos de la representación llegal de los trabayadores, y, pela parte de la Corriente Sindical d’Izquierda, tenemos nel comité d’ALSA a 4 miembros del Comité d’Empresa y 2 Delegaos, n’EBROBUS a los tres Delegaos de Personal, en TUA a un Miembru del Comité d’Empresa, n’EMUTSA 2 Delegaos de Personal y en DOMETAL 2 miembros del Comité d’Empresa, colos afiliaos en cada empresa que ello acarreta, amás de delles secciones sindicales n’empreses del sector.

Esta ye una maniobra pa firmar un conveniu inregular dafechu, dexándonos fuera de dicha votación, y dexando fuera a afiliaos del nuesu y otros sindicatos, asina como los non afiliaos a dengún.

Solicitamos que en casu de nun tener nada que tapecer, se faiga una asamblea abierta a toles y tolos trabayadores del sector, dalgo que debería dase por supuesto, y que nun debería ser necesario pidir.