Concentración en sofitu a los once solidarios del Reconquista.

CONCENTRACIÓN 16 DE SETIEMBRE, A LES 9h. NOS XUGAOS D’UVIÉU

Dende los sindicatos CSI, CGT, SUATEA Y CNT facemos un llamamientu a participar na concentración en sofitu a les compañeres y compañeros víctimes d’un aparatu represor que quier acallar cualesquier tipu de protesta social. Nun van consiguilo.

El 11 de xineru de 2018 once compañeros y compañeres acudíen al hotel Reconquista nuna movilización pacífica que buscaba defender los drechos llaborales de la plantiya del hotel. Por esti exerciciu de solidaridá, mientres la que se llimitaron a llevar alantre una protesta denunciando la situación de les persones despedíes del hotel, l’acusación particular pide cárcel.

Ensin dulda, estos compañeros sufren les consecuencies de rebelase escontra les inxusticies y perpasáu l’añu y mediu de los fechos y dempués d’una instrucción “esperpéntica”, plagada d’acusaciones falses, yá punxeron fecha pal xuiciu: Sedrá’l 16 de setiembre nel Xulgáu de lo Penal d’Uviéu.

Nun vamos callar, el 16 de setiembre, a les 9 hores, vamos tar nos xulgaos d’Uviéu pa enfrentanos a la inxusticia y desixir l’absolución de los 11 compañeros/es.

Acude y esparde

¡¡ESCONTRA LA REPRESIÓN CONCENCIA DE CLASE, LLUCHA Y SOLIDARIDÁ!!