SOLIDARIDÁ COLES Y LOS ONCE DEL RECONQUISTA

El 11 de xineru de 2018 once compañeros y compañeres acudíen al hotel Reconquista nuna movilización pacífica que buscaba defender los drechos llaborales de la plantiya del hotel. Por esti exerciciu de solidaridá, nel que se llimitaron a llevar alantre una protesta denunciando la situación de les personas despedíes del hotel, l’acusación particular pide cárcel. 

Ensin dulda, estes y estos compañeros sufren les consecuencies de rebelase escontra les inxusticies y perpasáu l’año y mediu de los fechos y dempués d’una instrucción “esperpéntica”, plagada d’acusaciones falses, yá punxeron fecha pal xuiciu: Sedrá’l 16 de setiembre nel Xulgáu de lo Penal d’Uviéu. 

Dende la CSI facemos un llamamientu a participar na concentración n’apoyu a les y los compañeros víctimes d’un aparatu represor que quier acallar cualesquier tipu de protesta social. Nun van consiguilo. 

Nun vamos callar. El 16 de setiembre, a les 9 hores, vamos tar nos xulgaos d’Uviéu pa enfrentanos a la inxusticia y desixir l’absolución de les y los 11 compañeros.

Acudi y espardi

ESCONTRA LA REPRESIÓN ¡¡CONCENCIA DE CLASE, LLUCHA Y SOLIDARIDÁ!!

Más información sobre’l casu:

https://m.facebook.com/story.php?story_fbid=1088570148019898&id=270165366527051