LA CSI ABANDONA LA PLATAFORMA DEL PLAN DE VÍES DE XIXÓN

Dende la Corriente Sindical d’Izquierda (CSI) punxímonos en contactu cola Plataforma en Defensa’l Plan de Víes, pa treslladar la nuesa decisión de nun participar en más aconceyamientos nin en cualesquier otru tipu d’actu de dicha Plataforma mentantu tea integráu nella y participe’l partíu políticu VOX (o cualesquier otra organización d’extrema drecha).

La nuesa organización nun va normalizar la entrada d’estes ideoloxíes nel texíu social d’Asturies, compartiendo dengún tipu d’espaciu con elles.

Esta decisión tómase de magar l’últimu aconceyamientu cellebráu’l pasáu 5 d’agostu, nel que pa sospresa nuestra, el partíu políticu VOX taba ente los participantes, y como talu, fizo intervención en rellación al plan de víes de Xixón.