CSI INTERNACIONALISTES

LA CSI SOLIDARÍZASE COLOS SINDICATOS Y ORGANIZACIONES QUE MIENTRES TOLA SELMANA SE MOVILICEN ESCONTRA’L G-7

El “gobiernu del mundu na solombra” aconceya nun Biarritz bunkerizáu por una extremada ocupación policial y militar pa siguir decidiendo sobre la vida de les persones ensin el nuesu permisu, nuna aición antidemocrática cuyos resultaos tán llevando al planeta al desastre.

“Estes siete potencies, ca vuelta más autoritaries, ca vuelta más béliques, van aconceyar col envís de perpetuar el sistema al serviciu de los más poderosos y de les multinacionales. Prenden fueu al planeta, incrementando les desigualdaes y la probeza que ellos mesmos xeneren y estrozando la vida y el clima, mentantu desprecien los drechos humanos más fundamentales. Con gran cinismu, preséntense como abanderaos de la llucha escontra les desigualdaes. Escontra’l so falsu discurso de buenes pallabres, vamos poner de relieve la situación d’emerxencia social y ecolóxica na que nos atopamos.”

Dende la plataforma G7 EZ ¡.. vamos construyir alternatives solidaries, ecolóxiques, feministes, decoloniales y contraries al racismu y al imperialismu.

Les organizaciones participantes ficieron un llamamientu a medios de comunicación pa que nun criminalicen les protestes y se faigan ecu de les sos demandes.

Un campamentu y más de setenta conferencies, talleres y actividaes culturales alrodiu los temes centrales de les lluches presentes na contracume: el capitalismu y l’excesivu poder de les multinacionales, la destrucción planetaria, el patriarcáu, el respetu a la bayura y la llibertá de los pueblos, el déficit de democracia, les guerres neoimperialistes, la solidaridá internacional y l’abolición de les fronteres. La contracume va pesllar con una manifestación el día 24 y aiciones de desobediencia el 25 d’agostu.