XUEVES 4 DE XUNETU 18:00 H. CHARRA-ALDERIQUE SOBRE PROTECCIÓN DE DATOS

L’oxetu de la charra-alderique sobre Protección de Datos, abordará en primer llugar un averamientu a la normativa, el Reglamentu (UE) 2016/679 (RGPD) y Llei Orgánica 3/2018 de Protección de Datos y Garantía de los Drechos Dixitales (LOPDGDD), dende’l conocimientu de los conceptos básicos pa poder entender lo que significa la protección de los datos personales, les definiciones de qué ye un datu personal, qué categoría de datos existen, quién intervienen nel tratamientu, qué principios son fundamentales pal perfectu cumplimientu de la normativa, hasta qué son quiebres de seguridá en protección de datos y qué drechos tienen les persones respecto a los sos datos de calter personal. En segundu llugar va falase de les rellaciones llaborales y el tratamientu de datos de calter personal, cuestiones que afecten a les persones, nun sólo dende l’ámbitu xeneral como persones físiques, sinon tamién como trabayadores dientro la empresa. 

Al final, vamos dexar un espaciu pal alderique sobre les cuestiones que les y los asistentes puedan plantegar. 

1. Conceptos básicos. 
2. Personal que intervién nel tratamientu. 
3. Política d’información. 
4. Política de seguridá. 
5. Drechos de les persones interesaes. 
6. Rellaciones llaborales y tratamientu de datos. 
7. Drechos dixitales nel entornu llaboral.