MANIFESTACIÓN 20 DE XUNU

LA REPRESIÓN SUFRENLA PERSONES CON NOME Y APELLÍOS

Como les piqueteras de Mangu con casi 14.000 euros en multes, compañeros de Vauste como Nacho y Fernando sancionaos y con pidimientos de cárcel, Oscar na TPA, Susana despidida de Duro Felguera, Juan n’Alsa… y esti mesmu vienres día 7 enterábamonos que Nicanor nel E.R.A. va ser sancionáu gravemente.

Ye xente de la nuesa contorna más próxima a la que tenemos que sofitar con pallabres y con fechos. Y tamién recordar a los miles de persones que n’ Asturies y nel conxuntu del Estáu tán en situación asemeyada.

Tenemos que defender a quien defende, y estes compañeres y compañeros tienen un denominador común: sufrieron sanciones, multes o despidos por lluchar polos derechos de toes y toos.

Agora nun pueden sentir la soledá o que nun tienen a naide al so llau. Nenguna persona víctima de la represión puede atopase ensin saber que faer. Esto nun puede pasar, tenemos que sofitanos ente toes y toos, y tenemos qu’enseñar los dientes nesti contestu de criminalización y represión de la protesta social en tolos terrenos.

Y anque les redes sociales tán bien pa difundir, a la fin ye’l sofitu que se visibiliza nes cais lo que realmente camuda dinámiques. Naide va derogar la llei mordaza, suprimir la penúltima reforma llaboral o desistir del so oxetivu de erradicar el sindicalismu de clase y comprometíu que representen sindicatos como la C.S.I. si quedamos en casa.

Por eso ye bien importante que los díes 13 y 20 de xunu se nos visibilice na cai. Y particularmente a les persones que representamos a la CSI en tolos ámbitos. Tenemos que faer lo posible y lo imposible por participar nes actividaes programaes pa esos díes:

·         CHARRA-ALDERIQUE NA PLAZA L’HUMEDAL  EL XUEVES 13 A LES 19 HORES

·         CARAVANA ANTIREPRESIVA, QUEDAMOS NA CASA SINDICAL EL XUEVES 20 A LES 9:00 HORES (VAMOS DIR EN COCHE A VAUSTE, ERA, TELECABLE, DURO FELGUERA, TPA, Y A PIE HASTA CORREOS Y MANGO)

·         COMIDA DE TRAXE EL XUEVES 20 NEL SOLARON A LES 15 HORES

·         MANIFESTACIÓN EL XUEVES 20, CON SALIDA DENDE LOS XULGAOS DE XIXÓN A LES 19 HORESLA REPRESIÓN NUN VA DETENER LA LLUCHA DE LA CLASE OBRERA