CONVOCATORIA D’ÓRGANU DE DIRECCIÓN PAl XUEVES 6 DE XUNU A LES 18:30 HORES

Queremos significar que, dando continuidá a los frentes propuestos nel Primeru de Mayu, tamos trabayando na organización d’unes xornaes contra la represión que vamos detallar más nel Órganu y que vamos desenvolver los díes 13 y 20 de xunu. Adelantavos, sicasí, que’l día 13 ta previstu, conjuntamente con CGT, SUATEA y CNT, faer una charra-alderique na cai y el 20 una caravana contra la represión que va percorrer diversos centros en Xixón.

Tenemos que faer visible la difícil situación pola que tán pasando compañeres y compañeros, yá sía nel ámbitu sindical, llaboral o social, y tenemos que sofitales y sofitalos, polo que solicitamos la máxima presencia nel Órganu de Dirección. Güei son elles o ellos, pero mañana puede ser cualesquier. Tenemos qu’encarar la llucha dende la perspectiva del sofitu mutuu.

Per otru llau, ye necesariu’l retomar la propuesta fecha nel so momentu al respeutu d’implementar una subida na cuota d’afiliación en llínea de lo que se faló nes Asamblees celebraes nel l’añu 2017. La recién contratación d’una Delegada de Protección de Datos y un abogáu faenlo necesario, ya igualmente creemos imprescindible la creación d’una caxa, a la que diría’l 50% de los ingresos xeneraos, para evitar improvisaciones a la de cubrir multes o sofitar a persones nun momentu de dificultá determináu.

Compromisu, solidaridá y militancia.

Saludos