CSI LIMPIEZA

Barramos la explotación,
acabemos cola precariedá llaboral

Somos el personal de la llimpieza, persones invisibles, yá que na la mayoría los casos el nuesu trabayu pasa desapercibíu pal restu mortales. Y queremos denunciar cómo col pasu los años y aprovechándose de la crisis capitalista, el nuesu sector lo mesmo que otros tantos foi fuertemente castigáu, ca vuelta más precarizáu, con más carga de trabayu por menos, vimos cómo en xeneral emprobecíase les nueses condiciones llaborales.

Sufrimos los continos ataques d’unes patronales deshumanizaes ASPEL y AELMA, que nun ficieron otra cosa que amosar la so avaricia extrema, como asina se corroboró nes negociaciones, coles federaciones de los sindicatos mayoritarios, del últimu conveniu. Unes negociaciones d’otru lláu, que dende la Corriente vivimos con ciertu recelu, yá que estos sindicatos tiénennos más que avezaes y avezaos a nun poques de les sos pantomimes pa cubrir expediente, y dempués, teniendo en cuenta les estructures piramidales y de poder coles que furrulen, roblar per atrás y desconvocar cualesquier entamu de movilización, pa dempués vender a les bases como si d’una fazaña épica se tratare.

Teniendo en cuenta que somos un sector nel que gran parte’l personal tá dispersu o nun tién un centru de trabayu concretu, lo que dificulta’l poder d’organización o de rempuesta énte incumplimentos de contino del conveniu, y énte los ataques de contino d’esos ‘señoros’ que se creen con total impunidá pa imponer unes condiciones llacerioses. Y sí, dicimos ‘señoros’ porque pesie a ser un sector mayoritariamente compuestu por muyeres, existe una clara discriminación de xéneru, anque los homes namás representen un 10 ó 12% nel sector, casi toos en categoríes superiores que les muyeres y toos, o casi toos, tienen xornaes completes, amás de tener salarios más altos por estremaos tipos de pluses que nun nos paguen a les muyeres.

Por too ello, pa nun retroceder nes nueses condiciones llaborales, pa lluchar escontra la discriminación, pa acabar cola precariedá, pa nun permitir los abusos, pa pelear porque se reconozan les enfermedaes profesionales, ye imprescindible organizase, imprescindible conocer los nuesos drechos pa defendenos coleutivament