CSI EMA

Comunicáu de les secciones sindicales de la CSI y d’USIPA na Empresa Municipal d’Agua de Xixón

Mentantu Carmen Moriyón (alcaldesa de Xixón) con una mano dotaba a la EMA d’un Plan d’Igualdá d’oportunidaes ente muyeres y homes, cola otra mano nomaba a déu (onde dende los años 60 namás había un Xerente de llibre designación) a SEIS DIRECTIVOS en cinco años, TOOS ELLOS HOMES porque, al paecer, denguna mujer (de les munches que optaron a esos cargos) taba abondo capacitada pa esta encomienda. El Plan d’igualdá de l’alcaldesa propón, por embargu, que nes prebes pa PEONES de la empresa nun se discrimine a naide por razón de sexu. Con too y con ello la parte operaria de la plantiya na so totalidá son homes.

Creemos que’l Plan d’Igualdá resultó un instrumentu propagandísticu mui útil pa l’alcaldesa, que tolos años nos inclúi nel DIRECTORIU D’EMPRESES Y ENTIDAES DE XIXÓN COMPROMETÍES COLA IGUALDÁ.

Dende la Comisión d’Igualdá de la EMA (tamién promovía pola alcaldesa) pueden treslladase a la mesa negociadora del Conveniu, midíes de conciliación llaboral y familiar. Munches d’elles yá existen por Llei, asina que la braera utilidá del Plan d’Igualdá ye que se introduzan en Conveniu midíes adicionales de conciliación, como aquelles a les que tienen drechu les y los empleaos del Ayuntamientu de Xixón, les sos Fundaciones y el Patronatu, y que nos tán vedaes na EMA.

Lo cierto ye que danos la sensación de que NUN EXISTE DENGUNA INTENCIÓN D’INTRODUCIR MIDÍES DE CONCILIACIÓN EN CONVENIU, NIN TAN SIQUIER EXISTE INTENCIÓN D’APREBAR ESTI CONVENIU pela parte’l Director-Xerente, Vidal Gago, que se abstién de negocialu dende’l pasáu xunu, ún de los oxetivos pa los que se lu contrató y polos que cobra un incentivu económicu. 

La conceyala-presidenta de la EMA tampoco paez mui decidía a tresllada-y al xerente la obligación de cumplir col so deber d’alcordar un Conveniu cola plantiya de la empresa municipal.

Nel Día Internacional de la Muyer Trabayadora 2019, rogamos a la Alcaldesa, Carmen Moriyón, que nun vuelva a utilizar de forma propagandística el Plan d’Igualdá de la EMA, nel so propiu beneficiu ellectoral.

Un Plan d’Igualdá vacíu de conteníu, que entendemos ye un FRAUDE en sí mesmu y una tomadura de pelu pa les muyeres y los homes que trabayamos na EMA, mentantu nun se aprebe d’una vez el Conveniu Colectivu, cola inclusión de toles midíes de conciliación que existen nel restu de l’Alministración municipal.