LA CSI AMUESA LA SO SOLIDARIDÁ A LES Y LOS TRABAYADORES DEL METRO DE GRANADA Y DEL TRANVIA DE ZARAGOZA.

La Corriente Sindical d’Izquierda, lo mesmo que otres organizaciones del Estáu español, quier manifestar:

– El nuesu sofitu a les reivindicaciones llaborales de les y los trabayadores, que nun son otres que consiguir un Conveniu Coleutivu dignu y condiciones de trabayu alcordies a les lleis llaborales esistentes.

-La defensa inequívoca d’un tresporte públicu de calidá, que merez la ciudadanía y que se costea con perres públiques de toes.

-Denunciamos l’actitú de la empresa Avanza, multinacional mexicana, que tién abondes concesiones de tresportes públicos en Madrid, Zaragoza, Granada y otros llugares y que lleva alantre una política d’enfrentamientu constante colos Comités d’Empresa y trabauadores, y que queda reflexada na conflictividá llaboral, únicamente achacable a la empresa, que retaya drechos, incumple Convenios o direutamente nin los negocia.

-Asinamesmo dexar patente la nuesa solidaridá colos compañeros y compañeres espedientaos por Avanza, que como continuidá de la so pésima xestión y falta de calidá d’estos tresportes públicos, se dedica a sancionar a delegaos, delegaes y trabayadores por desixir los sos drechos llaborales y de negociación. Desiximos la retirada de tolos espedientes y despíos.

– Encamentamos dende equí a la Xunta d’Andalucía y al Ayuntamientu de Zaragoza a tomar midíes escontra esta empresa por facer estes polítiques que conlleven conflictividá llaboral y que al empar repercute nel serviciu públicu que damos. Les Alministraciones Públiques que alxudquen los tresportes públicos a esti tipu d’empreses son corresponsables d’estes situaciones si nun tomen midíes sancionadores, incluyendo la rescisión de contratos.

-Llamamos a la ciudadanía a defender con nosotres el tresporte públicu y a lluchar xuntes nes movilizaciones pa algamar un serviciu 100% públicu y al empar drechos llaborales dignos pa les y los sos trabayadores.

-Les organizaciones firmantes faéremos pública esta declaración, espardiremos la solidaridá coles y los trabayadores d’Avanza, y movilizaremos unitariamente a la ciudadanía y les y los trabayadores pa algamar condiciones de trabayu dignes y salarios xustos. Xuntes somos más fuertes.