Ente´l zarru de les bateríes d´Avilés

Nesi sen ellaboremos un itinerariu que vamos dir desgranando col oxetivu de buscar esa complicidá compartía.

Somos conscientes que ye necesariu’l zarru de les bateríes d’Avilés por ser estes una instalación obsoleta y altamente contaminante, eso ye daqué incuestionable. Pero de la mesma manera y con rotundidá tamién vemos la necesidá de que ArcelorMittal faiga un esfuerzu inversor en nueves llínies de negociu que palien la pérda de puestos de trabayu que se producen con esti zarru, yá que coles previsiones que se manexen anguañu, dexaríemos ente personal propiu y de contrata unos 250 puestos de trabayu pola “Y” nel so treslláu a les nueves bateríes que se tán faciendo en Xixón, y por ello entendemos que ye necesario poner esti problema enriba la mesa y buscar les complicidaes necesaries pa reclamar inversiones nunes comarques con series carencies d’empléu.

Les nueves bateríes que se tán faciendo en Xixón, y esperemos gocen de la tecnoloxía afayaíza que faiga d’elles unes instalaciones lo menos contaminante posible, van xenerar una menor necesidá de mano d’obra, ente lo que conlleva l’apaición de “escedentes” que en principiu nun van ser despíos traumáticos, y van ser recolocaos n’otres instalaciones de la factoría y dirán cubriendo “güecos” como consecuencies de próximes xubilaciones, dalgo que aprovechamos pa desixir lo mesmo a la propia ArcelorMittal que a les empreses auxiliares que pidimos el mesmu compromisu pa los “escedentes” d’esti coleutivu. Dende la Corriente aprovechamos pa dicir que lo mesmo el treslláu que’l procesu de recolocación ha ser lo más tresparente y claru posible. Esto que en sí mesmo ye razonable tién una gran parte negativa yá que resta posibilidaes de tener un empléu a quien tán nes puertes d’entrar, yá que la ufierta de contratación redúzse.

La pérda de dellos cientos d’empleos pa la comarca d’Avilés puede resultar dalgo demoledor pa una mocedá con ca vegada menos accesu a un trabayu dignu, y ello ye lo que nos mueve a buscar complicidaes colos grupos políticos y coleutivos lo mesmo vecinales, ecoloxistes, que de paraos y precarios, e incluso de la sociedá civil avilesina pa d’un lláu reivindicar d’ArcelorMittal la puesta en marcha de nueves llínies de negociu que supongan nueves oportunidaes d’empléu, y d’otru lláu poner a debate enriba la mesa qué ye lo que va pasar colos espacios onde agora tán asentaes les bateríes.

Nesi sen ellaboremos un itinerariu que vamos dir desgranando col oxetivu de buscar esa complicidá compartía.