COMUNICÁU DE SINDICATOS DE CLASE DEL ESTÁU ESPAÑOL EN SOLIDARIDÁ CON CSI-VAUSTE

Solidaridá con Nacho Fuster, secretariu de la Corriente Sindical d’Izquierda y cola seición sindical de CSI en Vauste Xixón (antigua Tenneco) énte la persecución pela parte de Quantum Capital Partners, fondu d’inversión propietariu de la empresa.

A finales de marzu de 2016, el fondu d’inversión Quantum Capital Partners alquirió’el 100% de la factoría de Tenneco en Xixón, que pasó a denominase Vauste Spain SL. Pesie a les supuestes bones intenciones alrodiu’l futuru a mediu y llargu plazu de la fábrica de Xixón manifestaes polos responsables de dichu fondu, lo asocedío dende l’alquisición dexa mui n’entedichu cualesquier compromisu pela parte de Quantum Capital Partners, fondu de los denominaos utre, cuyu únicu interés ye algamar rentabilidá a curtiu plazu pa les sos inversiones, a base de mercar y vender empreses, ensin que la conservación de los puestos de trabayu tengan el más mínimu peso nes sos decisiones. Dende un entamu, la CSI (sindicatu más votáu na factoría nes elleiciones feches dempués de la exitosa llucha de tola plantilla escontra’l pieslle de Tenneco) desixió un plan de futuru real que garantice los puestos de trabayu en Vauste, más alló de les declaraciones ensin compromisu real dengún que nun dexen de ser meres aiciones de propaganda que, cola esperiencia pasada en Tenneco, nun pueden ser creyíes poles y los trabayadores si, nel día ente día, nun se concreten n’inversiones concretes y n’actuaciones verificables que despexen les munches incertidumes plantegaes alrodiu les intenciones reales de Quantum Capital Partners. Esta actitú de la CSI supúnxo-y una persecución intolerable pela parte de la direición d’esti fondu utre, que nel so intentu de criminalizar a l’afiliación del sindicatu en Vauste, llegaron, de magar les denuncies efectuaes énte Inspeición de Trabayu, a calificala como yihadistes y a compararla col terrorista suicida de Manchester. Nes últimes semanes, elevóse’l tonu d’esta persecución empresarial a les y los compañeros de la CSI cola sanción de 7 díes d’empléu y sueldu a 5 trabayadores por participar nun paru escontra la persecución a Nacho Fuster, secretariu de la seición sindical de CSI en Vauste y secretariu xeneral de la CSI y l’apertura de sendos espedientes sancionadores por faltes pergraves al propiu Nacho y a otru delegáu de la CSI en Vauste, que podríen derivar en sanciones estremes como’l despíu.

Ante esta situación, los sindicatos

Manifestamos la nuesa absoluta solidaridá con Nacho Fuster y el restu de los compañeros de la CSI de Vauste represaliaos por exercer les sos obligaciones como sindicalistes nunos casos y por ser solidarios énte la persecución pela parte de Quantum Capital Partners nos otros. Refugamos esta triba d’estratexes represives que pretenden acallar de la forma que seya a les y los trabayadores y a les organizaciones sindicales que se nieguen a ser cómplices del desmantelamientu de les sos fábriques y denunciamos la intolerable falta de respetu a los drechos de les y los trabayadores pela parte de Quantum Capital Partners. Comprometémonos a participar en toles protestes, actividaes y movilizaciones que seyan necesaries pa denunciar l’abusu de Quantum Capital Partners respeutu a la CSI de Vauste y pa desixir el cese d’esta campaña d’acosu y represión escontra los nuesos compañeros.

Solidaridad con Nacho Fuster, secretario de la Corriente Sindical de Izquierda y con la sección sindical de CSI en Vauste Xixón (antigua Tenneco) ante la persecución por parte de Quantum Capital Partners, fondo de inversión propietario de la empresa.