Concentración miércoles 13 de xunu. Valió de falses autónomes.

Glovo esplota falses autónomes
Concentración: Valió de falses autónomes.

El miércoles 13 de xunu a les 12h delantre del Teatru Campoamor.

La empresa Glovo, imitadora española de Deliveroo, creada en Cataluña en 2015, instalada en Xixón dende finales de 2017 y recién aterrizada n’Uviéu, facturó diecisiete millones d’euros durante l’añupasáu. Esti añu espera superar los noventa millones y entrar en siete países nuevos.
Glovo tien cuatrocientes persones empleaes en plantiya y más de siete mil repartidores, qu’en bici, moto o coche entreguen los productos de tiendes, restaurantes ya inclusu farmacies, a domiciliu. Los glovers nun son trabayadores de la empresa, son, según la so definición, ‘socies’.

En realidá la definición que meyor s’axusta al so modelu empresarial ye la de falses autónomes, ya qu’ofrecen un serviciu de repartu a domiciliu, pero nun tien repartidores en plantiya. Obliga a les trabayadores a dase d’alta como Autónomes, siendo así éstes quienes tienen que pagar colo que cobren cada mes la so Seguridá Social, recibiendo amás unes prestaciones en cuantu a bases y cotizaciones peores que les de cualquier otra trabayadora nel Rexime Xeneral.

Utilizando falses autónomes, Glovo esplota y precariza a toles trabayadores, comete un fraude contra la Seguridá Social y practica competencia deslleal pa con otres empreses de repartu. Así ye
como consigue los sos beneficios millonarios.

Continuando cola campaña de denuncia contra les empreses qu’obliguen a les trabayadores a convertise en falses autónomes, CSI Uviéu convoca una concentración el próximu miércoles, 13
de xunu, a les 12h delantre del Teatru Campoamor (C/ Pelayo), Uviéu.