Non al zarru encubiertu del únicu Pozu activu del Nalón

El Pozu Carrio nun Pieslla

CSI-Pozu Carrio

¿Cómo querer zarrar un pozu ensin que se note?

-Primero subcontraten tolos talleres d’explotación del pozu col acuerdu de toles partes sociales implicaes.
-Nun hai sitiu pa les y los trabayaores d’arranque nin de preparación, al parar toles obres pola cercanía del 31 avientu del 2018.

-Pones categoríes. Total, van dir tresLladaos pa otros centros y quedando’l pozu escasu de personal con categoríes superiores.

-A les y los trabayaores de preparación y arranque treslládenlos, pero como ye posible que se faigan más nos siguientes 90 díes y sigún l’Estatutu de los Trabayaores, ye illegal, pues faes que esos tresllados seyan “voluntarios” cola ayuda de los sindicatos y recordando al trabayador o trabayadora que acaba de tener una categoría que nun tendría onde desempeñala nun pozu nel que tá subcontratada la explotación.

-Una vez que marchen y repose l´asuntu, va resultar que en llegando les vacaciones, nun da pa dos relevos d’extracción (eso caltién la empresa) quedando como solución mandar a les subcontrates de vacaciones n’agostu y a quien tengan que trabayar, en comisión de serviciu. Vamos, pesllao por vacaciones.

-Cuando se vuelva y si nun hubiere un buen serviciu de mantenimientu de les ramples, tarán medio fundíes, polo que hai que dedicase a desmantelar enantes de tiempu por esa desgracia divina que pasó.

-Nun va ser naide responsable de tolo que pasó, nin la direición de la empresa por subcontratar l’arranque de les ramples, nin por querer treslladar, nin mucho menos por facer un “cierre vacacional”. Menos sedrá responsable l’inxenieru del pozu si nun fae un mantenimientu de les ramples evitado que acaben fundiendo.

Y al final de too, tará l’únicu pozu del Nalón n’activo peslláu si nun lo evitamos el conxuntu de les y los trabayadores, agora que con una plantilla 3 veces inferior a otros pozos, damos la mitá de la so producción….y con salarios inferiores.

¡CARRIO NUN PIESLLA!