Cursu de formación : EREs, llunes 9 d’abril, a les 18:00 h, nos llocales de la CSI na Casa Sindical de Xixón.

Monroe/Tenneco, Modultec, Cajastur/Liberbank… son abondos los casos d’EREs que nos últimos años afrontó’l nuesu sindicatu, siempre con éxitu. Les últimes Reformes Llaborales punxeron en manes de les patronales la ferramienta de los Expedientes de Regulación d’Empléu pa siguir arrampuñando drechos a la clase trabayadora y precarizar les nueses condiciones llaborales y les nueses vides. Nesta charra Samuel Fernández, ex trabayador de Tenneco/Monroe, va danos unes claves pa afrontar con éxitu dende’l puntu de vista sindical un ERE.