LA COMARCA d'AVILÉS YÁ PASA DE LOS 10.000 PARAOS Y PARAES
Asturies anda a la raya los 80.000. Nel 2010 vamos llegar a los 100.000, ye decir, ún de ca cuatru trabayadores.
L’Estáu español tien casi 4 millones de paraos y puede llegar a los 5 millones nel 2010.
Más de 5 millones de trabayadores nun algamen el Salariu Mínimu Interprofesional.
20 millones de trabayadores, paraos y pensionistes cobren 1.000 euros o menos.
1’6 millones d’empresarios, autónomos y profesionales son mileuristes.
Más de 1.100.000 families tienen a tolos sos miembros en paru.
El 70% les empreses (7 de cada 10) amenorgaron plantía nel 2009.
Nel 2009, 500.000 trabayadores carecieron un Espediente de Regulación d’Emplegu (ERE).
Barrúntase qu’otros 400.000 trabayadores van tar afeutaos por EREs nel 2010.
Estos EREs costaron al dineru públicu 1.100 millones d’euros, de los cualos 400 fueron pa sovenciones a la patronal (bonificaciones a la Seguranza Social).
DELANTRE TOO ELLO, GOBIERNU, PATRONAL, CCOO y UXT, COL SOFITU’L PP, tan aconceyándose p’algamar un alcuerdu alrodiu les custiones que vienen darréu:
Avanzar haza’l despidu de baldre.
Conxelar los salarios nel IPC.
Allargar la edá de xubilación.
Reformar el sistema pensiones enanchando’l plazu de 15 años pal so cálculu.
Rebaxar 5 puntos les cotizaciones de les empreses a la Seguranza Social.
Fomentar los contratos a tiempu parcial con bonificaciones a los empresarios na Seguranza Social.
Realizar Espedientes de Regulación d’Emplegu ensin permisos alministrativos y siendo l’Estáu quien cotice a la Seguranza Social polos trabayadores n’ERE.
Crear nuevos contratos basura, sobrotou pa la mocedá y presones a la gueta’l primer emplegu.
Custionar la negociación coleutiva con cláusules que permitan a les empreses desmarcase de los convenios coleutivos, sobrotou en revisiones salariales y condiciones de la xornada llaboral.
LA CSI PROPÓN:
Trabayu estable y dignu pa toes y toos.
Si nun hai trabayu, prestación por desemplegu indefinida.
Salarios y pensiones mínimes de 1.000 euros. Drechos básicos (alimentos, salú, vivienda y educación) garantizaos pol Estáu.
Recaudación fiscal por impuestos direutos. Desaniciu del I.V.A. y de los impuestos indireutos. Que pague más quien más tien.
Paralización de los procesos d’embargu y desahuciu a trabayadores afeutaos pola cris y el desemplegu.
Creación d’un Fondu de Reserves Financieres, a cargu de les organizaciones empresariales, pa financiar les empreses en cris o quiebra. Cuandu algamaren beneficios multimillonarios lleváronlos a paradisos fiscales. Agora serviríen pa reflotar les empreses.
Impuestos especiales pa les grandes fortunes.
Repartu’l trabayu: xornada llaboral de 35 hores ensin recorte de sueldos. Los beneficios empresariales tienen de llendase. La clas obrera nun tien por qué pagar una cris de la que nun ye culpable.
Escontra’l despidu gratuítu y la precariedá llaboral.
