Trescencental sentecia escontra la precarización llaboral na Alminitración

 

La sala de lo Contencioso del Tribunal Superior de Xusticia d’Asturies vién de fallar a favor d’un recursu interpuestu pola CORRIENTE SINDICAL D’IZQUIERDA anulando l’alcuerdu de Conseyu de Gobiernu de 5/10/16 que tresformó tolos puestos d’Auxiliares Educadores de la Conseyería d’Educación, en puestos a tiempu parcial.

El fallu vién a dar la razón a los argumentos expuestos dende la CORRIENTE SINDICAL D’IZQUIERDA, nel sen que’l llabor diariu d’estes y estos trabayadores va más alló del tiempu que l’alumnáu permaneza nos centros educativos, talu y como asocede con otros coleutivos educativos como’l personal docente, etc.

Supón d’otra parte un importante varapalu pa la política de contratación interina d’eses y esos trabayadores, que vién faciendo en mumchos casos de forma trimestral y con contratos parciales. Pesie a les múltiples sentencies condergatories hacia l’Alministración por esta forma de contratación, sentenciándoles como “fraude de llei”, ésta vién faciendo casu omisu de les mesmes, bordeando de contino’l delitu de prevaricación alministrativa.

Dempués que’l COLEUTIVU D’AUXILIARES EDUCADORES Y FISIOTERAPEUTES sostuviere mientres más de 1 añu movilizaciones, fuelgues, recoyía de más de 5000 firmes, asina como d’abondos sofitos lo mesmo de tolos partíos de la oposición parllamentaria que de padres, madres, alumnáu y los estremaos seutores profesionales de l’Alministración educativa, esti fallu vién a culminar la llucha pol mantenimientu de los derechos llaborales d’esti coleutivu.

Finalmente la sentencia conderga a l’Alministración al pagu de les costes derivaes del procesu xudicial.

Un pasu más na dignificación y recuperación de derechos de les y los empleaos públicos, dende la movilización y la solidaridá.