Primeru de mayu de 2017

Cartel unitario sindical del primero de mayo de 2017

Percorríu de la manifestación

Folixa 1º de Mayu

Al rematar la manifestación. Nel Pueblu d’Asturies a partir de les 14:30 hasta les 22:00

Razones pa movilizase

Les grandes empreses del Estáu Español repartieron 364 mil millones de € ente’l so accionaráu dende que entamó la crisis. Esti añu 2017 calcúlase que los dividendos pagaos al accionaráu del IBEX35 elevaránse un 7% más de media. Alredor de 19.400 millones de € xeneraos por nós los y les trabayadores nel sistema productivu, van dir a parar a manes de les grandes fortunes y fondos d’inversión.

Frente a esto, 1 de cada 4 habitantes d’Asturias tá na probitú o riesgu altu d’ella. Anque la sangría’l desempléu amenorgó, un 20% de la población activa sigue ensin atopar trabayu. Y quienes lu topen fáenlo en muncho peores condiciones (menos salariu por hora y con menos estabilidá) que enantes del 2008. Namás ún de cada 20 nuevos contratos son indefiníos y de xornada completa. Anguañu, tener un empléu nun asegura escapar de la probitú.

Los sucesivos gobiernos dedicáronse a retayar derechos, suprimir y deteriorar los servicios públicos y crear lleis pa que l’empresariáu pueda aumentar la explotación de los homes y muyeres de clase trabayadora. Cumpliendo fielmente’l mandatu del club de millonarios/es que los y les punxo nel poder.

El Real Decretu 6/2012 escontra los servicios públicos, la Reforma Llaboral del 2012 (y les anteriores)… la Llei Mordaza pa quien proteste, l’atracu al Fondu de Reserva de la Seguridá Social, les polítiques escontra la igualdá de la muyer y les y los trabayadores estranxeros, la obediencia a los dictados de Bruselas… ente otres… fueron les ferramientes.

Esta ye la clave del “milagru económicu” y de la mal llamada “recuperación”. La recuperación de los beneficios patronales a costa de la esplotación de la clase trabayadora.

La Corriente Sindical d’Izquierda diz NON a estes polítiques, NON a l’austeridá, NON a la explotación de la clase obrera y NON al retayu de derechos y llibertaes.

Y por embargu, por muncho que les y los millonarios, al traviés de los sos gobiernos, tengan poder, la meyora del nuesu futuru como trabayadores sigue tando nes nueses manes.

Organizanos nes nueses empreses, y los nuesos barrios ye una necesidá acaldía más urxente.

La CSI afálate a participar na próxima movilización del 1º de mayu, una fecha que simboliza la rebeldía de la clase trabayadora dende 1886 y que dende los sos oríxenes, tuvo venceyada a la reivindicación de la xornada llaboral de 8 hores. El que anguañu tengamos que siguir peleando porque se respeten los derechos de la clase trabayadora ye una muestra de que si nun se llucha, si nun se opón resistencia, la patronal písanos.

¡PUXA EL PRIMERU DE MAYU!

¡PUXA LA LLUCHA DE LA CLASE OBRERA!

¡TRABAYADORES DEL MUNDU, AXUNTÁIVOS!