Estaya de feminismu

Novedaes

video

Modultec-Muyeres en Llucha CSI

Concentración d’apoyu a les compañeres despedíes de Modultec. Estes compañeres denunciaron ente l’Institutu Asturianu de la Muyer, la discriminación sufrida por razón de sexu...

Pasucais negru escontra la violencia machista

Convoquen: Muyeres en llucha CSIQuien pueda qu'acuda con ropa negro.Tamos en xunetu y esti añu ya son más de 50 les víctimes mortales...

Manifestación pola igualdá real de toles persones “Orgullosamente visibles”

Dende la CSI llamamos a participar na manifestación del Día del Arguyu LGTB (28 de xunu) qu'esti añu cellébrase'l sábadu 25 de xunu y...

Manifestación 8 Marzu: Día internacional de la muyer

Muyeres en llucha de la CSIFacemos un llamamientu a participar na manifestación que con motivu del 8 marzu, Día internacional de la muyer trabayaora,...

Manifestación 8 Marzo: Día internacional de la mujer

Muyeres en llucha de la CSIHacemos un llamamiento a participar en la manifestación que con motivo del 8 marzo, Día internacional de la mujer...

Coleutivu Muyeres en llucha CSI

Colectivu que nació en el 2013 tomando el relevo de les compañeres qu’antes que nosotres habíen trayío la llucha feminista al sindicatu. Les muyeres que lu formamos somos una mezcla heteroxénea por edaes, emplegos en diferentes sectores, o ensin emplegu, esperiencia política,…El nuestru trabayu ye muy diversu, dende recuperación de la Memoria hestórica feminista, hasta talleres de llinguaxe inclusivu o diversidaes, pasando per charres, acciones de cai,… Centrándose dende va un par d’años na llucha escontra les violencies machistes, denunciando y visibilizando na cai (con concentraciones cada vez qu’hai un asesinatu machista) y, apoyando y acompañando a muyeres víctimes d’estes violencies.

El trabayu continuáu na cai fizo qu’otres muyeres que nun están nel sindicatu alcontraren nesti colectivu un espaciu onde poder compartir y trabayar. Asina entre unes y otres apoyámonos y vamos caminando.

Na Corriente Sindical d’Izquierda sabemos que ye perimportante xunir toles lluches, porque toes formen parte d’un mismu sistema opresor, el patriarcal capitalista. Poro nun pue faltar un Área de Feminismu qu’evidencie la necesidá d’una conciencia de xéneru, diversidaes ya identidaes nun normatives, unida a la nuesa conciencia de clase.

El pelear polos drechos de les muyeres, y pola igualdá real de toles persones, nel ámbito llaboral y en tolos ámbitos de la vida, fae pernecesaria un área que centre la so actividá nestos obxetivos. Pa ello creyemos que la meyor ferramienta ye tener un espaciu d’alcuentru y alderique ente les muyeres de la CSI, nel que podamos compartir esperiencies, esmoliciones y retos. Un espaciu onde xuntanos y dende’l que facer y construyir les polítiques feministes de la nuesa organización, conciencienciando col trabayu a otres compañeres y a los compañeros, y faciendo que día ente día esta xera seya una parte más de toles estayes del sindicatu.

Mundu llaboral, desemplegu, educación, sanidá, servicios sociales, drechu a decidir sobre nuestres vides y nuestros cuerpos, …La llucha feminista ye una llucha que tien que ver con tolos aspeutos de la vida de les persones, y ye dende toos ellos que debemos trabayar.

Sabemos que l’acabar col machismu y con toles sos violencies nun tuvo ente les prioridaes nin de la izquierda en xeneral nin del sindicatu en particular. Güei vamos superando tolos prexuicios qu’esti sistema mos impón, rompiendo colos estereotipos y faciendo de toles lluches una sola. Por supuestu en comuña con otres organizaciones y movimientos sociales que tienen como oxetivu la igualdá de toles persones y la construcción d’una sociedá xusta.

Gracies la llucha feminista les muyeres tenemos güei los drechos que tenemos como muyeres. Nin naide nos regaló nada, nin los drechos cayeron del cielu, fueron y siguen siendo peleaos.

Les muyeres sindicalistes y feministes siguimos avanzando na llucha polos drechos de la clas obrera en xeneral y los drechos de les muyeres en particular. Prestaríanos que los cambios fueren más rápidos y que la nuesa llucha fuere más aceptada pero somos conscientes de la sociedá na que vivimos. Poro tenemos que siguir lluchando na cai y tamién dientro’l sindicatu, pa facer qu’ésti seya un auténticu motor de cambiu social.

Ya nun mos queda paciencia, ya nun podemos dir seliquino, son demasiaos sieglos de desigualdaes, demasiáu tiempu esperando que los nuesos derechos se reconozan, que les nueces voces nun se silenciencien.

Queremos que la CSI nun tenga miéu a dicir que ye un sindicatu de clas, combativu, asturianu y feminista. Nesti sen sabemos que vamos dexando atrás divisiones. Que cada día somos más persones les que entendemos que somos clas obrera, que tamos oprimíes y que la nuesa llucha escontra les inxusticies tien que ser global, ensin xerarquíes nin esclusiones. Y por supuestu tolos díes del añu y siempre en comuña, dientro y fuera les empreses, lluchando dende la base y la xenerosidá, avanzando nuna unidá obrera, popular y feminista, cola solidaridá como bandera.

Responsable del área: Mónica Jiménez

Contautu: muyeresenlluchacsi@gmail.com