Escuela de Formación

Dende la estaya de formación de CSI, una vuelta aconceyáu’l grupu de trabayu, ponemos na vuesa conocencia la creación d’un correo ellectrónicu específicu pa dicha estaya: escuelaredondopichi@gmail.com

Esa direición de correu va servir pa que se unvíen suxerencies y propuestes, cara a una meyora continua, constante y eficiente. Tamién va servir como vía pa apuntase, con tiempu abondu, a los cursos que vaigan impartiéndose y poder asina organizar los grupos si fuere’l casu.

Baráxase la posibilidá de facer grupos zarraos, con un máximu de 20/25 persones pa cada cursu que se imparta, pa facelos más operativos. Teniendo en cuenta’l númberu de persones apuntaes, faeránse les sesiones que correspuendan col oxetivu de sacar el máximu provechu a la charra y dar cabida a tola afiliación interesada en participar.

En principiu’l cursu que se impartirá a finales de febreru, tovía pendiente de confirmar fecha, sedrá sobre drechos sindicales. De magar esti momenti, quienes tengáis interés en participar, podéis entamar a inscribivos.