Comunicáu de la CSI nel seutor del tresporte

Dende la Corriente Sindical d’Izquierda, asina como dende les seiciones sindicales d’ALSA, EBROBUS y TUA, queremos informar a toles y tolos trabayadores del seutor del tresporte de viaxeres/os, de los acontecimientos asocedíos coles federaciones del tresporte per carretera del Principáu d’Asturies, de los sindicatos CCOO y UGT.

Queremos amosar la nuesa oposición dafechu a que se firme dengún tipu d’alcuerdu a espaldes de les y los trabayadores d’esti seutor, naturalmente desllexitimamos dafechu a estes federaciones pa la firma de dengún alcuerdu que modifique l’actual conveniu, de denguna manera vamos tolerar l’intentu de presionar a los comités de les estremaes empreses del seutor a acatar un alcuerdu que, aparte de ser sancionador dafechu, diría posiblemente escontra la llei de proteición de datos y escontra los drechos de les y los trabayadores del seutor.

Intentar la firma d’un alcuerdu mediante chantaxes pela parte de la patronal, asina como de presiones polítiques pela parte los sindicatos del réximen, a espaldes de les y los sos representaos, ye la forma más antisindical conocía de firmar un alcuerdu.

Nun tamos d’alcuerdu nin coles formes nin coles demandes del alcuerdu, que son dafechu sancionadores, nun van na llínia de la prevención, nin na de la seguridá, ye una vegada más una manera de buscar sanciones, d’intentar pela parte d’un sindicatu dar les armes a la patronal pa sancionar a trabayadores que nun sigan la so llínia y que se opongan a la so manera d’actuar.

De igual manera informamos a toles y los trabayadores del seutor que dende la CSI y les sos seiciones nel seutor, demandarán xudicialmente esti alcuerdu si llegara a aplicase, y cualesquier intentu de presión pela parte de la patronal o de los sindicatos del réximen.

Les funciones de les y los representantes de les y los trabayadores tán bien estipulaes pol ET y les inxerencies pela parte de les federaciones, llegando a alcuerdos cola patronal, a espaldes de comités y trabayadores, ye una llaceria que tenemos que erradicar.

La única llucha que se pierde ye la que se abandona.