COMUNICÁU INFORMATIVU, VAUSTE.

Situación actual en Vauste, antigua Tenneco

La selmana pasada, coincidiendo cola visita a Asturies d’Antonio Tajani, convidaron a tolos miembros del Comité d’Empresa de Vauste a un alcuentru col mesmu.

La Seición Sindical de CSI en Vauste, quiciavis col envís de que declinare acudir al mesmu, tuvo conocimientu de la so cellebración a última hora y al traviés del chat del Comité d’Empresa, pesie a que otros miembros del Comité yá sabíen con antelación del alcuentro que diba cellebrase.

Por embargu, siendo conscientes de que’l restu de los miembros del Comité, como posteriormente corroboren los videos y semeyes difundíos polos medios, diben acudir al conceyu a too menos a treslladar los problemes existentes na fábrica, consideraron que yéra una oportunidá pa treslladar los incumplimientos que tán produciéndose.

Los medios, nun debiere sosprendenos, nun saquen tolo que nos prestaría que sacaren, y exponen namás los afalagos que tresmiten a Antonio Tajani otros miembros del Comité, obviando’l puntu nel que pela parte de la Seición Sindical de CSI en Vauste se-y treslladen los incumplimientos que’l fondu d’inversión tá teniendo cola plantilla.

Mas alló de les formes, d’una semeya más o menos afortunada, lo que realmente importa ye’l fondu, y pela parte la Seición Sindical de CSI en Vauste, el propósitu pol que se acudía al alcuentru cumplióse, pues lo mesmo Antonio Tajani que’l so entornu solicitaron que se-yos comuniquen los incumplimientos que tean produciéndose, vía corréu ellectrónicu, comprometiéndose a contestar y a falar col fondu d’inversión que anguañu rixe Vauste.

Más información

Nel siguiente audio puéese escuchar la conversación entre Tajani y Nacho Fuster:

Video espublicao po La Voz de Asturias (a partir del minuto 0:50):

https://www.lavozdeasturias.es/video/asturias24/2017/10/20/tajani-trabajadores-tenneco/0031_2017105620123420001.htm