Situación actual en Vauste, antigua Tenneco

La seición sindical de Vauste Spain, tres conceyu de la so afiliación, decidió la redaición d'un calendariu de movilizaciones, provocáu polos reiteraos incumplimientos pela parte la empresa, incumplimientos basaos nes feches que la propia empresa y QUAMTUN CAPITAL PARTNERS dio na so presentación el proyeutu de viabilidá.

Situación actual en Vauste, antigua Tenneco

A fecha 30 de Setiembre del 2017 los incumplimientos son los que vienen darréu:

-Reclutamientu de personal de I+D y ventes.

-Formación de personal sobre la maquinaria que diba dar viabilidá a la empresa.

-Instalación de la primer llínia de producción d’inyeición de magnesiu.

-Prototipos y testeaos de los nuevos productos.

-Holding d’automoción nel Estáu español al traviés de la compra de 4-5 pa llegar a una facturación de 100-150 millones d’euros.

A día de güei, les úniques inversiones versen nos paneles col nome de la empresa na fachada, pintar una parte de la planta, la bandera d’Alemania que lluz ún de los mástiles sobre la entrada de les oficines y el felpudu de la entrada a les oficines col logu de Vauste.

Les poques inversiones, como por exemplu en seguridá nes máquines, algamáronse al traviés de denuncies d’esta seición a Inspeición de Trabayu, esta direición nun foi fiel a la verdá en munches ocasiones sobre’l principal proyeutu de viabilidá, la inyeición de magnesiu. Creemos que tá xugando cola plantilla y que tán tres un pieslle encubiertu de la planta.

La planta de Xixón necesita, y pidimos una vegada más, un proyeutu que dea viabilidá y futuru.

VAUSTE NUN PIESLLA!!