Cafeteríes Campus Xixón, Solución!

Concentración-Protesta y cantina solidaria de Llunes a Vienres, de 11:00 a 12:00, Aulariu Sur, Campus de Viesques, Xixón.

Dempués del branu entama’l cursu y siguimos na mesma situación, coles cafeteríes zarraes y la perspeutiva de que queden desiertes les posibles llicitaciones pol estáu llamentable de les instalaciones tres el pasu de Presedo.

Camentamos que esta situacion tién que cambiar, que les cafeteríes nun pueden siguir zarraes, que l’alumnáu, personal d’alministración y profesoráu necesiten un serviciu básicu pal furrulamientu del Campus, asina como pa la imaxen de la Universidá y l’Ayuntamientu de Xixón.

Por eso reclamamos a dambes instituciones que inviertan pa que les cafeteríes puedan reabrise.

Siguiremos defendendo los puestos de trabayu conservando les condiciones llaborales.

Nun queremos más precariedá. Queremos volver a dar un serviciu dignu en condiciones dignes.

UNIVERSIDÁ SOLUCIÓN!!

PUXA LA LLUCHA LES MUYERES!!

Asamblea de Trabayadores