Pola remunicipalización de los servicios públicos

La CSI énte l’alderique abiertu sobre la remunicipalización y la recuperación de la xestión direuta de los servicios públicos n’Asturies, quier manifestar que:

  1. Los servicios públicos vinieron soportando nos últimos decenios el progresivu asaltu de polítiques privatizadores pela parte de los estremaos gobiernos llocales, autonómicos y estatales, baxo la falsa xustificación, repetía hasta la saciedá, de meyor eficacia y aforru económicu, y coles consecuencies constatables de precarización dafechu del serviciu y de les condiciones llaborables.
  2. Frente a esto, les iniciatives de remunicipalización, y recuperación de la xestión direuta, de servicios públicos esenciales, como’l casu de l’Ayuda a Domicilio, el mantenimientu vial o de los centros municipales y biblioteques, allumáu públicu, servicios culturales, etc… son saludaes dende la CSI como’l primer pasu pa recuperar unos servicios públicos de calidá, y desaniciar l’abusu, precariedá y la obtención de beneficios privaos a costa de les condiciones llaborales, salariales y hasta de salú de les persones trabayadores afeutaes.
  3. La defensa d’unos servicios públicos de calidá y por un empléu dignu fueron y sedrán l’oxetivu de les movilizaciones y lluches de la CSI.

Nesi enfotu siguimos peleando.