Órganu de Direición, xueves 22 de xunu a les 18:30h.

ORGANIZASE PA SIGUIR CRECIENDO

Unu de los temes trataos durante´l VII Congresu, foi la necesidá de tomar midíes d’organización y participación acordes cola crecedera del Sindicatu, conviniendo la mayoría’l convocar una Asamblea Xeneral d’Afiliaos onde se tratara específicamente dichu tema.

Nel Órganu de Dirección del xueves 22, va proponese fecha para dicha Asamblea, va apurrise una propuesta organizativa pal so espardimientu y posterior alderique nos distintos ámbitos del Sindicatu y acomuñáu a ésta, un calendariu de trabayu orientativu.

Énte nós, plantégase un importante retu que fai imprescindible la participación de toes y toos, y magar ye ciertu que vamos tener que faer un esfuerzu na nuesa actividá sindical diaria, pos vamos consumir tiempu en xuntes y alderiques, tampoco ye menos ciertu que si ente toes y toos llogramos entamanos meyor, llogramos partir el trabayu y llogramos amontar el compromisu, la solidaridá y la militancia, consiguiríamos faer del Sindicatu un meyor instrumentu pa la defensa de los nuesos drechos y pal llogru d’otros nuevos.

 

ÓRGANU DE DIREICIÓN, XUEVES 22 DE XUNU A LES 18:30 HORES

Compañeres y compañeros:

Como toes y toos sabéis el Conseyu d’Asturies (Órganu de Dirección) ye’lmáximu órganu de direición y representación ente Congresu y Congresu, d’ehí la importancia de que toes y toos adquiramos la responsabilidá d’asistir a les distintes convocatories, siendo esencial que participemos d’una manera constructiva na vida del sindicatu pa faer d’esti una ferramienta entá más útil na defensa de los nuesos derechos.

Orde del día

  • Conflictos llaborales
  • Movilizaciones
  • Campaña escontra la Represión
  • Estaya de Formación
  • Documentu Organizativu y propuesta de fecha pala Asamblea Xeneral d’Afiliaes y afiliaos.

Davos les gracies, anticipaes,  a toes y toos por allegar y dende la Área d’Organización un cordial saludu.