CONCENTRACIÓN: Escontra los despidos na estación ALSA Xixón

Vienres 16 de Xunu, a les 11:00 h, Estación ALSA Xixón, lláu c/ Llanes.

Precariedá Llaboral

La externalización de servicios como mecanismu d’emprobecimientu social.

Tres llevar, na mayoría los casos, más de tres años contrataos, 5 Aux. de servicios, fueron despedíos na Estación ALSA de Xixón. La nueva compañía alxudicataria del trabayu externalizáu nun cuenta con dicha plantilla pal mantenimientu’l serviciu.

En 2014 dempués de dellos accidentes, por mor de les carauterístiques propies de la estación, y posterior denuncia, d’ún de los nuesos delegaos, ALSA viose obligada a crear unos puestos de trabayu pa la circulación de pasaxeros, información, ayuda a les persones discapacitaes, facilitar les maniobres d’entrada y salida d’Autobuses.

Estos puestos tovía siendo responsabilidá direuta de la empresa ALSA, subcontrátales a una compañía multiserviciu.Trabayadores con perpocos derechos, baxos salarios y ensin representación sindical.

Agora la empresa matriz queriendo precarizar tovía más les sos vides, despídelos mediante l’alxudicación del serviciu por menos perres ensin tener en consideración les negatives consecuencies personales e inevitablemente sociales.

Escontra la precariedá socio-llaboral

Pola estabilidá nel empléu

ALSA, DESPIDOS NON!!