CONCENTRACIÓN: Alfon Llibertá!! 2 años secuestráu, una vida de llucha

Xueves 15 de xunu, a les 19:30 h, Plz L´Humedal, onde´l Cubu, Xixón, Asturies.

Va facer 2 años dende que encarcelaron al mozu de Vallekas, Alfon, por dir a una fuelga xeneral de trabayadores. Por esti motivu, dende la Corriente Sindical d’Izquierda convocamos esti 15 de xunu a una concentración pa denunciar públicamente que encarcélase a les persones por lluchar polos derechos y llibertaes de la clase trabayadora.

Plataforma pola Llibertá d´Alfon

Probablemente pienses que ye dalgo dafechu alloñao a ti y a la to realidá, que nun existe dengún motivu pol que debas acudir y mostrar el to sofitu, pero tenemos que recordate que’l día que Alfon salió a la cai y foi secuestráu pol Estáu, taba lluchando polos derechos de toos y toes, pa que nun se aprebare una reforma llaboral que permitiere condiciones d’esclavitú nos puestos de trabayu, lluchaba escontra eses midíes que a tí o a la to xente cercano vos llevaron al paru y la desesperación, escontra les reformes antisociales que xeneren miseria y probitú, aquella que lleva a les persones a ser expulsaes de los sos hogares dempués d’una vida de trabayu y que ficieron que miles de persones se quiten la vida nel Estáu.

Lluchar pola llibertá d’Alfon ye oponese a esti sistema corruptu, a toes y toos estos gobernantes que dende los sos sillones de cueru, arrodiaes y arrodiaos de fortunes robaes, arruinen la vida a la nuesa xente.

Puedes elexir permanecer callada o calláu, sometete y permitir que sigan humildándote, o puedes alzar la to voz y gritá-yos a la cara que esti pueblu nun se rinde y que nun vamos consentir que faigan del Estáu español el so cortixu particular.

Alfon esi día perdió la so llibertá polos nuesos derechos, y por ello tenemos que demostrá-y a esti Estáu que nós nun abandonamos a les y los de nueso, que podrán arrampuñanos lo material, pero non la nuesa dignidá nin los nuesos principios.

¡LLIBERTÁ PRESOS Y PRESES POR LLUCHAR!

LLIBERTÁ PA LA XENTE QUE LLUCHA!