Charra-alderique, Medioambiente y empléu.

Miércoles 24 de mayu a les 19:00 h, na Casa Municipal de Cultura de Avilés.

Dende la seición sindical de la CSI n’ArcelorMittal afalamos a reflexonar, aldericar y garrar concencia sobre la contaminación medioambiental dende una defensa acérrima de los puestos de trabayu. Nun solo creemos que puédese, sinon que tién que ser compatible’l derechu al trabayu col derechu a la salú ambiental. Por eso vos convidamos a asistir y participar nuna charra-alderique que va tener llugar el viniente miércoles 24 de mayu na Casa Municipal de Cultura d’Avilés, na cai Domingo Acebal, nº2 a les 19:00h.

Porque apostar pola sostenibilidá y la viabilidá de la industria ye apostar pol futuru, frente a los planes de productividá y rentabilidá que lo único que busquen ye extrumir al máximu les factoríes. Aprovechase asina deles y los trabayadores y del so entornu, implica nun pensar más que n’unificar puestos de trabayu pa suprimir plantilla, y non n’afayar les nueves tecnoloxíes na busca d’un equilibriu mediuambiental y una rentabilidá social, xenerando con ello un futuru inciertu, nel que a esta multinacional con millones de beneficios-y encanta navegar, pa chantaxear a trabayadores e instituciones y mantenenos siempre ataes y ataos y en constante incertidume.

Porque queremos un futuru industrial y llaboral, queremos que se respeten tolos protocolos mediuambientales.