Mensaxe de sofitu al procesu democráticu y bolivarianu del pueblu de Venezuela

Vistos los acontecimientos asocedíos nes últimes selmanes en Venezuela, les organizaciones sindicales abaxo firmantes queremos expresar lo que vién darréu:

Atalantamos, independientemente de les valoraciones que cada organización pueda facer sobre les decisiones que les autoridaes tán afayando en Venezuela, que nos últimos 18 años les mayoríes sociales de Venezuela vienen implementando un procesu d’emancipación social y nacional encamináuo a superar les enormes desigualdaes existentes nel país y tresformalu hacia una sociedá más xusta, llibre y soberana. Esta foi la esencia del procesu políticu bolivarianu. Por ello reclamamos el máximu respetu pa con esi procesu.

Atalantamos esti procesu dientro d’un procesu más ampliu que tá desendolcándose n’América Llatina dende l’empiezu del sieglu XXI. Procesos de cambiu de cultura política y emancipación que busquen un cambiu basáu na igualdá de derechos y la xusticia social. Y ye por esto que’l capital y l’imperialismu (cuyu mayor exponente represéntalu EEXX) punxeron en marcha tola so maquinaria pa char abaxo los gobiernos que apuesten por elles, como se demuestra nos casos de Guatemala, Brasil, Arxentina, y agora Venezuela.

Por estos motivos refugamos cualesquier intentu violentu afaláu y organizáu por quienes tienen interés en crear un clima de caos nel país, que tea destináu a desestabilizar el país y a un gobiernu llexítimu escoyíu democráticamente. El diálogu, y non la violencia, tién que ser el camín pa afrontar los conflictos políticos y sociales.

Asinamesmo consideramos ciertes inxerencies externes parciales e hipócrites más cuando reina’l silenciu más absolutu énte la fola d’asesinatos -de más de 80 llíderes sociales y defensores de derechos humanos- que eán ocurriendo en Colombia dempués de la robla l’alcuerdu de paz del pasáu 2016.

Nesti sen reafirmámonos nel derechu de tolos pueblos a escoyer llibre y democráticamente’l so futuru políticu.

Finalmente saludamos el procesu constituyente como mecanismu democráticu y de participación popular del pueblu de Venezuela.

Denunciamos, pola so desproporción y manipulación, la campaña d’intoxicación mediática que tá llevándose a cau escontra Venezuela pela parte los medios de comunicación “oficiales”, como otru instrumentu más al serviciu de les partes interesaes n’echar abaxo al actual gobiernu, y con un tratu bien discriminatoriu ente esti y les organizaciones opositores.

Firmantes: LAB, ESK, STEILAS (Euskal Herria) CUT Aragon, CUT Galiza, CIG Galiza, IAC, COS y CSC de Catalunya, Intersindical Valenciana (País Valenciá), Sindicato Andaluz de Trabajadores (SAT), CSI Asturies, Intersindical Canaria (Canarias) Confederación Intersindical y Sindicato Ferroviario (Estáu Español).