Folixa solidaria 1 Mayu

Ya se acerca el 1 Mayu y dende'l colectivu Para@s y precari@s d'Asturies organizamos, un añu más, la Folixa solidaria 1 Mayu.

Detalle del cartel de la Folixa solidaria 1º Mayu
Detalle del cartel de la Folixa solidaria 1º Mayu

Más información en: https://www.facebook.com/events/1904719806431673/

Ya se acerca el 1 Mayu y dende’l colectivu Para@s y precari@s d’Asturies organizamos, un añu más, la Folixa solidaria 1 Mayu. Los dos años anteriores foi perprestoso compartir ente toes y toos el día y esfrutar xuntes del 1 Mayu homenaxeando a toles persones qu’enantes de nós llucharon polos drechos de la clase obrera.

Y la meyor manera de homenaxear ye siguir na llucha. Por eso esti día ye un día d’alcuentru, un día pa cargar les piles, tomar fuerza y crear compañerismu. Mayores, mocedá, neños y neñes, jubiliaes, precarios, asalariaes/os, non asalariaes/os,…toles y tolos que cada día compartimos lluches, esmoliciones y esperances, facemos d’ésti un día de reivindicación y solidaridá, onde falar, aldericar, conocenos y divertinos xuntes y xuntos, faciendo de la solidaridá nun sólo una pallabra si no una manera d’entender la vida y l’activismu.

Esti añu queremos centrar la xornada, amás de na solidaridá cola xente reprida por lluchar (como otros años), tamién na solidaridá ente pueblos, dalgunos lloñe, otros cercanos. Escontra’l capital, el patriarcáu y toles sos opresiones la clase obrera de cualesquier parte del mundu tenemos de xuntamos y enfrentamos a quien mos oprime, nin el collor nin la procedencia, nun debemos dexar que’l sistema mos separe, como diz el poema…

(…)
“ya sabemos que´l color de la piel
nun ye la causa;
ye ridículu´l racismu na barricada.

Por eso:
Nun nos digais que sobramos,
por eso pa lluchar
fai falta tola fuercia.

Lo mesmo qu´enantes
fuimos compañeros,
na griesca somos toos
indios de la nuesa tierra”
(Xandru Fernandi)

Como otros años la xornada contará con puestos de colectivos sociales y cooperatives llaborales d’economía social y comerciu xustu, xinta popular, xuegos tradicionales, actividaes pa toles edaes, baile, conciertos,…

Tol dineru recaudáu dirá a apoyar los proyeutos y les necesidaes del coleutivu Para@s y Precari@s d’Asturies.

Ven y participa.

(en cuanto cerremos les actividaes vos informamos)

ENTAMA: PARA@S Y PRECARI@S D’ASTURIES
SOFITA: CSI