El xulgáu de lo Social nº 2 de Xixón reconoz y declara que la rellación del nuestru compañeru con NORGLAS LLANO S.L. yera una RELLACIÓN LLABORAL y non mercantil.

¡VICTORIA!
Reconocida la Rellación llaboral.

El xulgáu de lo Social nº 2 de Xixón reconoz y declara que la rellación del nuestru compañeru con NORGLAS LLANO S.L. yera una RELLACIÓN LLABORAL y non mercantil. Esto ye, trabayaba reparando parabrises a domiciliu como FALSU AUTÓNOMU. Asina, reconoz la so categoría profesional como Oficial de 1ª y condena a la empresa al pagu de los salariaos reclamaos según conveniu.

D’esta manera, procederáse a reclamar ente la Seguridá Social el pagu por parte de la empresa de les cotizaciones correspondientes como trabayador por cuenta ayena. L’impagu d’estes cantidaes supunxo non solu un FRAUDE a la Seguridá Social, sinon un robu de los DERECHOS del trabayador, nun teniendo baxes por enfermedá como cualquier trabayadora por cuenta ayena durante la rellación llaboral y atopándose ensin derechu a prestación por desempléu una vez foi despedíu d’un día pa otru ensin previu avisu.

Tanto CSI Uviéu como’l nuestru compañeru queremos agradecer el sofitu de toles persones que ficistis posible esta victoria, ya fuera acompañándonos nes concentraciones, espardiendo les convocatories y la información sobre Falses Autónomes o amosando’l vuestru sofitu nel día a día. Esti apoyu ye la demostración de que inclusu les trabayadores que s’alcuentren más soles poles característiques del so emplegu, contamos con ferramientes pa que naide nun se sienta sola y la llucha obrera seya efectiva en cualquier puestu de trabayu.

Esperamos qu’esti triunfu abra camín na llucha contra esti fraude y anime a toles esplotaes a poner fin a esta situación. Nesti sen, convidámosvos a contar col nuestru sofitu, siguir atentes a la campaña y participar nes movilizaciones que vamos convocar nos díes prósimos.

Contra’l fraude y la precariedá, polos nuestros derechos y la xusticia social.

VALIÓ DE FALSES AUTÓNOMES!!