6º Cursu de Formación: Derechos Llaborales, Contratos de Trabayu

El próximu Xueves 27 d'Abril, a les 18:30, nos llocales de la CSI, c/ Sanz Crespo, 3, Xixón, Asturies.

6º curso de formación de la escuela Redondo -
6º curso de formación de la escuela Redondo - "Pichi"

ESCUELA DE FORMACION REDONDO – “PICHI”

6º Cursu de Formación: Derechos Llaborales, Contratos de Trabayu

Xueves 27 d’Abril, a les 18:30, nos llocales de la CSI, c/ Sanz Crespo, 3, Xixón, Asturies.

La formación ye básica en tolos tarrenos, un trabayador cola formación fayadiza desempeña’l so llabor con seguridá y, esi apartáu ye fundamental nel trabayu, coles mesmes, garantízanos un argumentu pa otres reivindicaciones llaborales.

Nel apartáu sindical tamién ye imprescindible tener la formación necesaria, porque ello va garantizanos saber cómo encarar los problemes que vaigan surdiendo na relación cola patronal.

Desgraciadamente, la llucha sindical perdió fuelle nos últimos años cola burocratización de los autodenominados principales sindicatos, tendiendo a convertise n’aprendices d’empresa y negociadores d’alcuerdos.

Afortunadamente, dalgunos tamos desmarcaos d’esos enclinos, calteniendo la esencia del verdaderu sindicalismu, calteniendo la llucha na cai de manera sostenida allá onde allá un conflictu.

Si esa presión ye necesaria, tamién la formación sindical ten de selo. Los principios de llucha, solidaridá y militancia tienen de tar presentes en toles charres y alderiques que se lleven a cabu nel senu internu del sindicatu, tamién otros asuntos de calter llegal tienen de formar parte de la formación de la nuesa militancia porque, de la conocencia d’unes nociones básiques d’apartaos llegales, vamos sacar mayor rendimientu pa la defensa ante los ataques de la patronal que, día ente día sufren el trabayadores y, tamién la población polo xeneral ante otru problemes.

La formación que s’imparte en CSI, nun ye subvencionada y, ta abierta a tola militancia. Colos nuesos propios recursos intentamos faer que cada unu de los que, d’una o otra manera formamos parte del sindicatu, dispongamos d’una ferramienta como ye la conocencia, que nos dexe encarar dende’l primer momentu, aquelles situaciones que representen o puedan suponer una vulneración, ataque o violación de cualquier derechu o sean consideraes causes d’inxusticia social.