Xuiciu-Concentración

Xueves 20 d´Abril 2017, a les 11:15, Xulgaos de Xixón, Asturies

Convocamos a l’afiliación y a la militancia de la CSI el próximu 20 d’abril a les 11:00 de la mañana delantre los xulgaos de Xixón.

El xuiciu a cellebrar ye escontra les trabayadores de les cafeteríes del Grupo Covadonga y el Secretariu Xeneral de la CSI, Nacho Fuster, por una demanda interpuesta por Adelina, la muyer de Paquito, ún de los dueños de la concesionaria pa la explotación de la cafetería del Grupo Covadonga, por un DELITU ENSIN ESPECIFICAR sufríu, sigún ella, el día 16 de Febreru na concentración que se fizo delantre’l Carling Goal, negociu de Francisco Vega García (Paquito), pol conflictu de los despíos na cafetería’l Grupo Covadonga. Val con ver la denuncia puesta pa dase cuenta que nun cuenta tola verdá, o que la cuenta a medies.

Una muestra más de la represión sufría pola clase trabayadora a la hora de reclamar los sos derechos.

VALIÓ DE REPRESIÓN. SI NOS TOQUEN A UNA, TÓQUENNOS A TOES