Acabemos col machismu y tola so violencia

Llamamos a toles organizaciones d’izquierda a que se movilicen escontra’l machismu y tola so violencia. No que va d’añu son ya 30 les víctimes mortales (tamos a 23 de febrero) d’esta violencia. Qu’eso de que tolos díis son 25 Payares o 8 Marzu seya verdá. Que nes axendes polítiques aparezca como prioritariu la llucha escontra’l machismu. Que dexe de vese como dalgo aisllao. Nun son casos aisllaos la violencia machista maltrata, agrede, viola, trata, prostituye, asesina toles díis (agora sumamos a esta violencia los vientres d’alquiler), y faelo sostentada por too un sistema de valores que xustifica toda esa violencia.

Pero, ¿qué pasaría si fueren 30 homes los asesinaos? ¿Falaríemos de terrorismu? ¿Falaríemos de guerra?Volver a línea automática
Cualesquier organización que nun tenga como una de les sos lluches acabar col machismu ye cómplice d’él.

A toles compañeres y compañeros de la CSI, facemosvos un llamamientu urxente. Tenemos de ser cada día más quienes lluchemos escontra les inxusticies. Tenemos de ser cada día más voces, nes empreses (onde les muyeres tienen d’aguantar dende acosos verbales, hasta tocamientos y agresiones sexuales, pasando por peores contratos, salarios más baxos, convenios inexistentes) y fuera de les empreses, nel sindicatu y fora del sindicatu, porque toles persones tenemos drechu a la vida, a una vida digna, ensin discriminaciones y ensin violencies.

Dende CSI Feminismu vamos siguir lluchando en y dende’l sindicatu, y por supuestu xuntu con otres organizaciones, pa terminar col machismu.

Tanto nesti Facebook como na páxina web ( http://www.csi-asturies.org/ ) Diremos colgando toles convocatories. Pedimosvos difusión d’esti llamamiento (que lu copies y lu colgéis nos tablones nes empreses y nos locales) y participación nes aiciones que se faigan.

¡Escontra’l machismu y toles sos violencies unidá, llucha y solidaridá!