Pasucais polos despidos del Grupo Cultura Covadonga

Xueves 16 de febreru 2017, a les 19:00, ente al Grupo Cultura Covadonga, Avenida las Mestas, Xixón, Asturies.

Por unes condiciones d´empléu dignu!!

Solidariá, apoyu mutuu y llucha!!

Salida dende´l “Grupo Cultura Covadonga” direición a la Sidrería “La Tonada” pola carretera Villaviciosa, siguiendo pola peatonal del Molinón pa acabar nel “Carling Gool”.

“La Tonada”, “La Buena Vida” y el “Carling Gool” son establecimientos que conformen la UTE que despidió a nueve trabayadorescol silenciu cómplice del “Grupo Cultura Covadonga”

El pasáu 1 de xineru los y les trabayadores de la cafetería del Grupo Covadonga pasemos a formar parte de la plantilla de la Buena Vida Tonada S. L. al traviés d’una llicitación fecha pol Grupo Covadonga.

Al personal nun se mos comunica hasta’l 4 de xineru nun conceyu cellebráu cola nueva empresa. Dende esi momentu y saltándose toa ética, consideración y llegalidá, prodúcense una riestra d’actos, pela parte de la empresa, inconcebibles.

Comunícasenos a la totalidá de les y los trabayadores que tamos de vacances dende’l día 1 de xineru que entamó la concesión, ensin decinos hasta cuándo y ensin danos dengún tipu de documentu al respectu.

Asinamesmo, el día 10 de xineru, llámennos a un conceyu nel que mos comuniquen que de magar el 15 d’esi mesmu mes tamos toes y toos despedíos, dándonos a roblar l’avisu de cese de males formes y amenaces a quien se negaba a roblalu.

Darréu, tenemos otru conceyu cola empresa y diznos que va contratar a otres persones pa facer el nuesu trabayu, incumpliendo asina la llicitación roblada col Grupo Covadonga que, ente otros requisitos tá’l de mantener a tola plantilla, de la que hai personal que lleva trabayando munchos años.

Poro, pidímos-y al Grupo Cultura Covadonga y a la nueva empresa, faiga la subrogación de tola plantilla y asina cumplir la llicitación roblada.

EL GRUPU COVADONGA… DESPIDE Y ESPLOTA!!