FUELGA! La plantilla de les cafeteríes del Campus de Xixón, en Fuelga Indefinida.

Xueves 19 de xinero 2017, a les 07:45, concentración de sofitu al inicio de la Fuelga, frente e la cafetería del Aulariu, Campus de Viesques, Xixón.

Movilizaciones:

  • CONCENTRACIÓN DE SOFITU AL ENTAMU DE LA FUELGA; Mañana 19 de xineru 2017, a les 07:45 am, frente a la cafetería del Aulariu del Campus de Viesques, Xixón.
  •  CONCENTRACIONES DE PROTESTA; Mañana xueves 19 y vienres 20 de 2017, ente les 11:00 y les 12:00, frente a la cafetería del Aularíu del campus de Viesques, Xixón.

Comunicáu del Comité de Fuelga:

Dende’l Comité de Fuelga de les trabayadores de les cafeteríes del campus universitariu de Xixón, queremos facer anuncia al traviés d’esti comunicáu de la convocatoria dende’l día de güei d’una fuelga indefinía nos centros de trabayu de les cafeteríes de la Escuela de Marina y l’Aulariu de Viesques.

Anque la Universidá d’Uviéu ya empezó los trámites de rescisión de la llicitación concedía a Dindurra Servicios, son delles les razones que mos lleven a afayar esta midía:

Impagu de salarios de payares y avientu, y paga extra d’avientu, incumpliendo’l compromisu que la empresa garró nel conceyu cellebráu nel SASEC el pasáu 1 d’avientu de pagar puntualmente los salarios de les trabayadores ente los díes 1 y 5 de cada mes, talu como afita’l Conveniu Coleutivu d’Hostelería n’Asturies.

Acosu pela parte de la empresa a les trabayadores. Les vexaciones, gritos y humillaciones pela parte de la patronal son constantes, llegando a tal puntu que fae bien poco delles trabayadores tuvieron que pidir la baxa llaboral por cuadros d’ansiedá y depresión.

Incumplimientu de les cláusules de la llicitación. Nos últimos díes la empresa treslladó una vitrocerámica dende la cocina de la cafetería de la Escuela de Marina hasta la del Aulariu de Viesques, incumpliendo ún de los puntos del contratu cola Universidá, que prohibe la ellaboración d’alimentos preparaos nesti últimu centru, al nun tener salida de fumos.

Incluso mientres l’actu de conciliación nel SASEC el día de güei, l’empresariu mostró la so mala fe negándose a tratar dengún de los puntos sobre los que se sustentaba la convocatoria de fuelga, y dexó clara la so voluntá de boicoteala, dando d’alta a 5 trabayadores ente los díes 12 y 13, lo que nun tién sentíu, yá que anunciara díes enantes a la delegada sindical la necesidá de facer un Expediente de Regulación d’Empléu cola fin d’amenorgar plantilla.

Por toes estes razones y otres que dexamos nel tinteru, vémonos abocaes a convocar esta fuelga indefinía hasta que la empresa Dindurra Servicios abandone la xestión d’estes cafeteríes, que esperamos que seya pronto.

Como primeres aiciones a desendolcar nel marcu d’esta fuelga, convocamos a la clase trabayadora a asistir a les concentraciones que van cellebrase esti xueves 19 y vienres 20 nel aulariu de Viesques, delantre la entrada de la biblioteca, ente les 11:00 y les 12:00 dambos díes. Nos próximos díes siguiremos informando del desarrollu de la Fuelga y de futures convocatories.

Tóquennos a unx, tóquennos a toxs!!

Comité de Fuelga de les cafeteríes del Campus de Xixón