Cominicáu de los Comités d’empresa, Duro Felguera

¿QUE PASA COLA DURO?

NOTA DE PRENSA CONSENSUÁ PER TOLOS REPRESENTANTES DE LES y LOS TRABAYADORES A NIVEL ESTÁU ESPAÑOL DEL GRUPU DURO FELGUERA S.A.

Tolos representantes de les y los trabayadores del Grupu DURO FELGUERA actuando por iniciativa propia y al marxe de sigles sindicales, quier amosar la so esmolición pola situación de la empresa, viendonos obligaos, ante l’hermetismu, la falta de interlocución y diálogu per parte de la directiva del Grupu DF, col so Presidente a la cabeza, a realizar esti comunicáu al traviés de los medios, pa ser escuchaos o lleíos por tolos comenenciudos (trabayadores, accionistesVolver a línea automática
y sobremanera Xunta Directiva).

Los emplegaos y emplegadas de Duro Felguera, al igual que los de too’l país, lleven sufriendo dende va dellos años, non yá los efectos d’una crisis global que inxustamente empioró les condiciones llaborales de toos los trabayadores polo xeneral, sinón amás una crisis interna a nivel organizacional y de perda de derechos dientro de la empresa.

Tarrecemos amás que, llueñe de siguir apostando pol futuru dende la mesmaVolver a línea automática
identidá de la organización, l’apertura de la see de Madrid, suponga de factu, la creación d’una organización paralela y duplicá na capital, en desterciu de l’actividá n’Asturies.

La poca resolución de los sos directivos y d’un presidente llindáu pola so poca esperiencia, que caltien ensin llende les sos propies decisiones errónees, tán llevando a esta compañía asturiana de referencia mundial, a la consolancia, onde lesVolver a línea automática
males xestiones suponen la perda de nivel adquisitivu de los sos trabayadores, lo que supon, a les clares, una decisión errónea más, que namás consigue que’l talentu d’esta compañía escape escontra otres empreses, que lo valoren como se merez.

Implantose una política de Recursos Humanos deshumanizada, que llueñe d’afitarVolver a línea automática
la fidelización, aboga pola rotación del personal, emponiendo irremediablementeVolver a línea automática
a munchos de los pervalibles profesionales de “la Duro” a abandonar la empresa por pura impotencia. Los que se queden namás perciben medrana, queVolver a línea automática
consecuentemente, produz desmotivación.

Los distintos Comités tán reclamando, amás, l’espaciu que-yos correspuende, pa la correcta defensa de los derechos de les y los trabayadores, qu’hasta la fecha vien negándose-y de forma sistemática, pos per parte de la Empresa, refúgase reiteradamente’l deber d’información y consulta a los representantes de les y los trabayadores reguláu nel artículu 64 del Estatutu de los Trabayadores. L’actitú opaca de la Dirección Empresarial torga tou diálogu social.

Buscamos acciones conxuntes que consigan dar un xiru nes Polítiques Sociales de la Compañía.

La situación na que ta sumida Duro Felguera ye xeneral, pos ta afectando a losVolver a línea automática
talleres de fabricación, montaxes, a les filiales allugaes en Madrid, y a la mesmaVolver a línea automática
matriz del grupu, núcleu clave de la xestión de los grandes proyectos d’Enerxía, Servicios y Minería.Les y los trabayadores tán siendo víctimes de la mala xestión de la directiva, qu’amás d’amontar los sos sueldos, amenorga’l de los sos emplegaos. Ye malo d’entender por qué hai dineru pa los sueldos más altos, y sicasí se precarizan les condiciones de los emplegaos.

Los representantes de el trabayadores de too el grupu empresarial, reparamos maniaos les continues estratexes errónees de la mayoría de los sos directivos. El diálogu ente empresa y trabayadores faise imposible ante “interlocutores” que nun tienen nenguna intención d’axustar, y l’única vía que se nos dexa pa recuperarVolver a línea automática
los nuesos derechos apatayaos ye denunciar ante la inspección de trabayu, la prensa y la sociedá asturiana y madrilana.Volver a línea automática
Esiximos el máximu respetu a cada trabayador y trabayadora y a los sos puestos de trabayu.

TOU ESTO PUÉDESE RESUMIR EN QUE:

LA MALA XESTIÓN DE LA NUEVA DIRECCIÓN D’UNA EMPRESA CASI BICENTENARIA, TÁ PERXUDICANDO SERIAMENTE LA SO SITUACION