Concentración, Conflictu: Cafeteríes del Campus de Xixón

Vienres 23 d’avientu 2016, a les 11:30, delantre’l Edificiu Históricu, c/ San Francisco, 3, Uvéu, Asturies.

Comunicáu de CSI Hostelería y CSI Universidá

Dende la Corriente allegrámonos de comunicavos que la Universidá empecipió tramitar la rescisión del contratu cola empresa concesionaria Dindurra Servicios, S.L.

D’esta forma entramos nuna nueva fase d’esti conflictu que va tener dos vertientes.

Per un llau, les demandes de reclamacion de los salarios que debe la empresa, que recordamos sigui llevándose les caxes de los dos cafeteríes, pero que nun ta pagando nin los seguros, nin los salarios.

Y per otru, reclamar a la Universidá la continuidá de les trabayadores y la subrogación a la nueva empresa que cueya la concesión.

Como decíamos, allegrámonos de la decisión tomada pola Universidá, pero nun podemos dexar de tar alerta y calteniendo la presión nun momentu tan complicáu pa les trabayadores, por eso mantemos la convocatoria de concentración pal vienres 23 n’Uviéu, a les 11:30 h delantre del Rectoráu (Edificiu Históricu C/San Francisco,3) p’acompañar a les representantes de el trabayadores, que se van axuntar col Rector a les 12:00.