Manifestación: escontra’l paru y la precariedá

Xueves 15 d’avientu 2016, a les 19:30, Plaza l’Humedal, Xixón, Asturies.

CONVOQUEN: Parad@s y Precari@s de Asturies

SOFITEN: CSI, CNT, CGT, Suatea, CS La Llume, CS Sestaferia, CS La Semiente, PAH, CS La Xusticia, Llar El mataderu, Asociación Alambique, Llar La Llegra.

CONTRA LES DESIGUALDAES SOCIALES Y ECONÓMIQUES

El próximu xueves, 15 d’avientu, a les 19:30 h., les y los compañeros de Paraos y Precarios d’Asturies convoquen una manifestación peles cais de Xixón.

Necesiten del nuesu sofitu, necesiten de la nuesa solidaridá, necesiten que salgamos con elles y ellos a la cai a dicir VALIÓ YÁ!!!

Porque la exclusión, la desigualdá nun se para con caridá, nin con subsidios de malvivir. Párase con otra distribución del tiempu de trabayu y de la riqueza que esti xenera. Sabémoslo y sábenlo, pero nun quieren facelo.Volver a línea automática
Porque elles y ellos nun duermen na cai, nin tienen a les sos fíes y fíos pasando necesidaes. Elles y ellos pueden pagar la calefacción, la lluz o el dentista. Munches y munchos de nós non. La clase obrera, incluso teniendo un trabayu, ca vegada tamos más emprobecíes y emprobecíos. Güei tener trabayu nun significa que salgas de la probeza.

El paru y la precariedá son el mayor problema que tenemos la clase obrera. Nun se puede consentir les 84.000 paraes y paraos que dicen que hai n’Asturies. Hai que consiguir un trabayu dignu o un salariu pa atender les necesidaes básiques. Nun podemos toleralo, tenemos que tener sentimientu de clase, tenemos que garrar les riendes de les nueses vides, salir a la cai solidariamente y dicir que yá valió. Namás la movilización de les paraes y paraos y la solidaridá de tola clase trabayadora puede acabar col terrorismu patronal que ye’l paru y la probeza.

Por eso vos pedimos a toes y toos que acudáis a esta manifestación. Facéi pancartes, espardíilo nes empreses, pidir a toes y toos un esfuerzu especial de solidaridá con aquelles persones que peor lo tán pasando y faigamos que’l descontentu social se visibilice xuntándonos miles de persones organizaes. Vémonos el xueves 15 a les 19:30 h. de la tarde en Xixón.

HASTA QUE LES NECESIDAES SEYAN CUBIERTES, LA CORRIENTE NUN VA DESCANSAR

PALA TRESFORMACIÓN SOCIAL, MOVILIZACIÓN