Llamamientu de la CSI a participar na manifestación del 8 setiembre

LA CSI REMARCA LA SO INDEPENDENCIA DE CUALQUIER TIPU D´ORGANIZACIÓN POLÍTICA PARTICIPANDO NOS ACTOS CONVOCAOS POL COLECTIVU “LA LLEGRA”

————————————————————————————————————————

La CSI participará un añu más nel 8 setiembre que baxo’l llema “Ganar la cai faciendo País” entama’l Centru social La Llegra y que perrecorrerá les cais d’Uviéu.

Un añu más llega’l 8 setiembre y la sociedá asturiana nun tenemos na que cellebrar y milenta razones pa siguir na cai.

A la nuestra llucha como clase obrera tenemos de xuntar toles demás lluches, porque toles opresiones son la mesma. Ye’l mesmu sistema opresor el que mos explota, nos dividide y llama diferentes, ye’l mesmu sistema’l que mos quier enfrentar porque sinon tamos xuníxs pue pisanos meyor, el mesmo’l que mos roba la llingua, la pallabra, y el drechu a decidir, el memu que mos roba’l presente y el futuru y mos niega la memoria.

Nós tenemos memoria y lluchamos pol drechu de los pueblos a decidir ensin ser pisoteaos y negaos. Por eso la CSI un 8 setiembre más, y como tolos díis del añu, tará na cai glayando, porque’l pueblu asturianu, la clase obrera asturiana, tien muncho que dicir: escontra les polítiques que mos nieguen como pueblos y como persones, qu’imponen reformes llaborales, paru y precariedá, recortes sociales (n’educación, sanidá, servicios sociales,…), lleis mordaces y d’extranxería, terrorismu patronal, machismu, racismu y xenofobia, lgtbfobia, represión, aculturización, valles, fronteres,…y un llargu etc inxusticies.

Por eso lluchamos, por construyir equí y agora una sociedá diferente, una sociedá basada na xusticia social, onde les diferencies mos sirvan pa compartir y crecer. Una sociedá basada na solidaridá, onde naide seya más que naide. Una sociedá de la que nun mos echen.

Esti xueves 8 setiembre taremos na cai porque nun tenemos na que cellebrar pero milenta razones pa glayar que:

LA LLUCHA Y LA SOLIDARIDÁ SON L’ÚNICU CAMÍN

PUXA LA LLUCHA DE LA CLASE OBRERA

PUXA ASTURIES