Rueda de prensa en sofitu a los compañeros encausaos por una concentración contra los bombardeos en Gaza

El xuiciu entama’l día 3 d’ochobre.
Estos compañeros van ser xulgaos por participar nuna concentración pa protestar frente al teatru Xovellanos de Xixón pola actuación d’un grupu de música israelí qu’apoyaba al so gobiernu y el xenocidiu del pueblu de Palestina. Un gobiernu, el israelí, que n’aquel momentu llevaba 51 díis bombardeando Palestina.

Como n’otres ocasiones la policía cargó dexando feríes a dalgunes persones, y encima dicen tar mancaos ellxs. Y tamién como n’otres ocasiones atrévense a llevar a xuiciu a persones que nin siquiera identificaron nin demostraron que tuvieren ellí. ¿Y los xueces? Admiten les denuncies policiales y lleven a xuiciu. Esta ye la xusticia qu’hai. Lo que diga la policía va a misa, seya o nun seya verdá. Una vergüenza. Otra más.

Dende la CSI vamos apoyar a los nuestros compañeros y facemos un llamamientu a sofitalos y pa ayudanos a difundir la campaña d’absolución que xunto con otres organizaciones entamaremos estos díis.

Tamién llamamos a participar nes demás aiciones de sofitu y nes concentraciones que con motivu d’esta farsa xudicial tendrán llugar n’Uviéu.

¡BOICOT A ISRAEL!
¡NON AL XUICIU FARSA!
¡POR UNA PALESTINA LLIBRE!
¡BASTA DE MONTAXES POLICIALES!