Victoria de les compañeres de Modultec

Una formosa victoria de les compañeres de Modultec: la xusticia anula los despidos de quien reclamaron contra la so inclusión nel ERE fraudulento apautáu ente la dirección, CCOO y UXT y, amás, confirma la nulidá del despidu de los trés compañeres de la CSI despidíes pola so actividá reivindicativa.

El Tribunal Cimeru de Xusticia d’Asturies, confirma que la dirección de Modultec, CCOO y UXT roblaron un ERE fraudulento nel que se despidió arbitrariamente, ensin nengún criteriu oxetivu, a 42 trabayadores, siendo particularmente afectaes por esta arbitrariedá les muyeres que trabayaben na empresa (despidíes 12 d’un total de 16).

Nel casu de los trés compañeres de la CSI que’l so despido fuera declaráu nulu por constituyir una represalia pola so actividá reivindicativa, el Tribunal Cimeru de Xusticia d’Asturies confirma dicha nulidá, al refugar el recursu de la empresa contra esa sentencia.

Estes sentencies afecten a 24 de los 42 despidíos, aquellos que presentaron demanda contra la so inclusión na llista de despidos, yá que nun entra a valorar l’anulación global del ERE, por ser competencia del xulgáu de lo Mercantil, al producise dientro d’un procesu concursal (una artimaña cada vez más utilizada pa llindar les posibilidaes de reclamación de el trabayadores afectaos). Una razón más p’aportunar na necesidá d’engarrar xuníos contra los despidos ensin esperar qu’otros lo faigan por nós.

Ante estes sentencies, demoledores pa los firmantes del ERE y bien particularmente pal comité d’empresa (UXT y CCOO) que non solamente respondió por estos despidos arbitrariu y discriminatoriu anguaño anulaos, sinón que sigue afalando una campaña de descreitu escontra quien engarraron contra los sos despidos, ye necesariu aprofiar la necesidá de que los sindicatos defendan los derechos de el trabayadores y nun sían cómplices activos de les agresiones de la patronal, roblando alcuerdos vergonzosos como ésti de Modultec.

Felicidaes a les compañeres de Modultec pola so engarradiella y pola so victoria.

Que viva la llucha de la clase obrera!!!