LA CSI DENUNCIA ÉNTE LA INSPECCIÓN DE TRABAYU LES CONDICIONES DE SEGURIDÁ NA PISCINA DE LA MADALENA

CSI-AYUNTAMIENTU AVILÉS

La Corriente Sindical d’Izquierda (CSI) presentó, énte la Inspección de Trabayu, una denuncia sobre les males condiciones de seguridá, tantu pa los y les trabayadores, como pa los usuarios y usuaries, nuna de les piscines de La Madalena, en concretu la de menor fondura.

Dende la reapertura de les piscina municipales de La Madalena, en Payares de 2015, produciéronse más d’una docena d’accidentes ente los usuarios de la piscina pocu fonda, con cortes de distinta consideranza, debíu al mala traza del azulexáu de los fondos, cola circunstancia agravante de qu’esta piscina ye la más utilizada por neños, persones mayores y persones con discapacidá.

Magar qu’estos fechos fueron puestos en conocencia, tantu de forma verbal como por escritu, énte’l Coordinador de les piscines, los responsables municipales ignoraron estes alvertencies, demosando una actitú intolerable de despreciu a la salú y a la integridá física d’usuarios y trabayadores.

Pa la CSI, resulta vergoñosu que, dempués d’un zarru por obres de 5 meses y decenes de miles d’euros gastaos, les piscines de La Madalena sigan siendo un problema en materia de seguridá llaboral y salú pública.

(Semeya de les obres realizaes nes piscines de La Madalena, en 2015).